1Juda mi Babylon gam Chebar vadung pang a sohchang ho laha kana um na kum somle kumthumalhin kum Lhamul lha somthum lekhat lhinni achun van ana kihonginchule Pathen thilmu theina chu kana mui.
2Hiche hi Jehoiachin lengpaasohchan jou kal kum nga lhinkuma chu soh ahi.
3(Pakaiyin hiche thu hi Buzi chapa Ezekiel thempupa kom a Babylonlenggam Chebar vadung panga aum petna anapeh ahin, chule Pakai khut chu achungah ana kingame). Sahlama Kona Huipi Hungnung
4Keiman kavet pettah chun Sahlama kon huipi gopi nasatah ahung kitolkamun, Meilhang lentah masangakolphe toh kitho a vah pempuminahunge. Meilom lah a chun meikouaumin, chule meikou lailunga chunkhichang tobang meikou vahlap lap aume. Mihem Melpu Thil Hing Li
5Meilom lailunga kon chun mihemmelpu tobang thil hing thei li ahung doh uve.
6Maili leh lhaving li aneijutailouvin,
7Akeng hou chu ajangpet in, akengphangu chu bongnou keng toabangin alange.
8Alhaving li noicheh uva chunmihem ho khut kamu doh e.
9Ahingthei ho lhaving ho chu khatle khat akijop mat cheh in ahi. Khatcheh a chu akipat doh teng leh kiheilouvin jangpet in masang lam nganakijot jiuve.
10Amasang uva chun mihem maianeijun, ajetlang uva chun keipimai aneijun, aveilang uva chunbongchal mai aneijun, chule anunglam uva chun muvanlai mai aneicheh uve.
11Khat cheh chun lhaving kijaldoh kopni cheh aneijun, kopn khatcheh chu akijal doh teng ganhingachom khat cheh lhaving chutohakijop mat jel jengin, chule kopkhat cheh chun atahsao akhu chah kheh cheh un ahi.
12Amahochuipihijonglelhagaovin alhenpeh nalam ngan ajetaveija kiheidoh lou hellin jangpet inache pai jeng jiuve.
13Ganhing liho chu meihol ampempumakouabangin, ahiloulehmeisel vah pempum kide abangin, chule kolphe vah bangin amaho laha chun aki nungtol akima tollun ahi.
14Chule ganhing liho chu kolphevahlap lap bang khun achom le japjap jeng uvin ahi.
15Hitia keiman ganhing liho chukavetna ahileh leiset chunga chunkangtalai kang ho chu akomuvachun kamun kang khat cheh chuamaho khat cheh a achan diu chuahi.
16Kangtalai khat cheh chu hoitaha vahsetna song en tobanga kiseminakimun, liho chu abon uvin kibangcheh in akimun, chule amaho chukibang cheh a kisem ahiuvin kangkhat cheh velkol a chu kangni naaneicheh uve.
17Hiche ho chu akitol tengulekihei lou hella gamkai li a achuangat na lam lama chu kihei jengthei ahiuve.
18Hiche kang li ho chu sang tahcheh ahiuvin, chule timul thoaumin, chule akang ho kimvel achun mit jeng mit jeng in atomdimsetne.
19Ganhing ho chu ache tengulehkangtalai kang ho jong chu amahotoh thakhat in ache khom jiuvin, chung langa alen tou teng ulehakang ho jong chu ache tou jiuve.
20Ganhing ho lhagao chu akang ho a chu uma ahi. Hijeh a chu lhagaochena lam lama chu akang ho leganhing ho jong che jiu ahi.
21Hiche ho chu ache teng ulehakang ho chu che jiu ahin, hiche hochu adin teng uleh akang ho kinga jiahi. Hiche ho chu chung langa alentou tengu leh akanga chu ganhingho lhagao uma ahijeh chun akangho chu akipat doh jiuvin ahi.
22Aluvum uva kijal doh chuvanthamjol tobang khat akidalinsongvalset vah in avahsetne.
23Anoija chun ganhing ho lhavingchu khat leh khat kijop cheh inakijal doh in chule alhaving ni chunatahsau khat cheh chu akhun ahi.
24Alen teng ule alhaving hou ginhusa chu keima jah in twitam tahin twipang hattah a atagin ahiloule Hatchungung ogin ahiloule, sepaihon tamtah husa gin bangin kajanahi. Adin teng uleh alhaving u chuakhailha jiuve.
25Alhaving u akhailhah uva adinteng uleh vanthamjol tobang valsetchunga kon chun o khat in thu ahinseijin ahi.
26Achung vuma chun songvalduma kisem laltouna tobang khatakimun ahi. Chule hiche laltounasangtah chunga kitousah pa chumihem lim leh melput tobang ahi.
27Akongbuh akipat akilah danchu khichang vala meikou ollakimujap bangin akimun ahi. Chuleakongbuh noilamse chu meikoutobangin akimvel vah pempum bangin akimun ahi.
28Gojuh nikho a meilah a lhagui kimu bang khun avah pempum in ahi. Hiche hi Pakai loupina keiman kamu abangin, keiman hichehi kamu phat in kamai tollah kasulut in ahileh ogin khat in keima koma ogin kkhat anasei chu kajan ahi.
