Ezekiel 4

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

43

44

45

46

47

¹Chuletun, mihemchapa, leisetna kisem cheh lhang lentahkhat lan lang namasanga chunkoijin chuche song chunga chun Jerusalem khopi lim semin

²Khopi hunama akilahpehna limvetsah in. Koimacha sochatnatheilou ding akim vella chun palkaijin. Akim vella chun melmasepaiho camp leh khopi nakhumnadinga kalbi tobang lampi sangtaha kisem leh kulpi suhsetna dingakisem thingtum lentah tah alulam athih kisem lim semin.

³Chuleh changlhah semna akimang thihpeh lan lang nang lekhopi kikah a chun koijin. Khopilanga chun heijin Jerusalem khopihunam a akilah ding nasat ding danvetsah in. Hiche hi Israel mipi tedinga gihsalna a pang ding ahi.

⁴Tun naveilang napang peh a chunlumin lang chule Israel chonsetnachu nangma chung tah a chunkoijin. Amahochonsetnachunapangpeh a nalup nijat chu napohding ahi.

⁵Keiman Israel chonset napohnading ni jathum le somko nangakona kangaichat ahin – nikhat hiachonset nau kumkhat a kisim ding ahi.

⁶Hiche jou teng chuleh kile heijinlang najet lang napang peh a chunni somli sungin lumin – nikhat chu? Juda chonsetna kumkhatna kisimding ahi.

⁷Jerusalem hunama akino khumnanavet jing lai sungin naban jang keovin lumin lang chule khopi manthahnading gaovinseiseijengin.

⁸Hunama nakimatna nikhojat alhinkahsea najet naveija nakihei dohthei louna dinga keiman khao jangakakan ding nahi.

⁹Tun chen lang chule suhlouchang, sakolchang, bechang, bekan chang, butun le kolbutunkilah in lang hiche ho chu bel khatsunga hal khomin. Hiche ho chu nijathum le somko napang lang khata nalupna phat sunga din changlhahin kisem in.

¹⁰Hiche neh leh chah chu atenadim chet chet in tetoh in langhiche an chu aphat kipe dungjuijanikhatna khatvei bou naneh dingahi.

¹¹Hitia chu twi jeng jong atena akitetoh aphat kitep dung juija atenakhat bou nadon ding ahi.

¹²Sakol changa kisem changlhahchu na anneh dinga nakigonding ahi. Mipihon avet jing laijuchanglhah chu mihem ehgohomeija kitih chunga chu changlhahchu nakana naneh ding ahi.

¹³Chuti chun, Pakai chun “Keimankadel mang nao gentile gama chuhitobang a hi chang kisuboh ho Israel ten ahin neh diu ahi,” tinaseije.

¹⁴Hichun keiman, vo thaneipen Pakai hiche mihem ehho mangaeiki suboh ding hitam? Ajeh chuhibang hin tu masangin kanakisuboh kha hih helle. Kaneo laija kipat tunichan ganhing damlouva thi ahiloule ganhing dangin athisajong kane khah hih helle. Daninaphallou sa jong kane khapoi.

¹⁵“Ahileh aphai, nangin mihemeh sangin bongeh in kisemin,” tin Pakaiyin aseije.

¹⁶Hichun aman “Mihem chapa, keiman Jerusalema an kalhahsamsah ding ahi. Hitia chu chingthei taha kitea chule kicha tah a kine dingahi. Twi chu avatna kisima kiteding chule mihem hon lungdongtijat pum puma adon diu ahi.

¹⁷An le twi lhahsam jeh a mihemho chu khat khat kikicha to tah akiveto diu chule a kigimbol nauphat sung chu hitia chu aman lhumdiu ahi,” tin aseipeh e.