Ezekiel 38

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

43

44

45

46

47

¹Hichehi Pakaijakonnakahenga thudang khat hung lhung chu ahi.

²Mihem chapa kihei jinlang Megog gama Gog, Meshech le Tubal nammite chunga vaihomleng chapa lama namai ngat inlangchule amaho dounan gaothu seijin.

³Amapa chu thaneitah Pakaija konhiche thuhi seipeh in, Gog, keimahi namelmapa kahi ati.

⁴Keiman nangma kapei kim vellachule nakhalhanga ngakoi kabupeha nangma leh nasepai jouse –nasakol jouse galvon lhingsetnakivonna sakol kangtalai touhojouse chukitle namite chemjamle lum kitho nabon chauva kapuimang diu ahi.

⁵Persia, Ethopia chuleh Libya hojong agalvon pum piu puma nahinjop diu ahi.

⁶Gomer leh asepaite jousen Beth-Togamah, sahlang gamkai lehadang tamtah gam latah tah konnasepaihon jong nahin jop diu ahi.

⁷Gotsan umin, semtup san umin, nasepai techu galsat dingin kigosankoijin chule ama thupeh pen.

⁸Phatsot tah jou nung tua hi nangmagaldou dinga nakikou ding ahitai. Khonung phat sottah jou leh nangin Israel gamsung nahin bokhum suhding ahi. Gal kichai nunga gam tamtah a kon hung kile kit Israel molsang chunga lungmong tah lekipah tah chengho chunga gal nahinsat ding ahi.

⁹Nangma le napenpi ho – kichattijat um leh atama tam sepaiho– huipi gopi banga nahung kitol uva chule agam chu meilom bangnatomjol dingu ahi. Gog Lungthim Phatlou

¹⁰Hichehithaneitah Pakaithusei ahi. Hiche phat teng chulenalungsunga lung gilou lut intinchule nangin thil gilou tah nahingon ding ahi.

¹¹Nangin seijin natin Israel hingatuplougamabangumlouphaichama aum ahi. Keiman amanudouna a kajot suh a lungmong tah aum miho chu kasuh mang ding ahi, tin nate.

¹²Namtin vaipi a kon delmangsahung kile kitna, phat masa langaahom keuva kijamsa khopi hijatua mihem hung chenglut ho komakache ding keiman neile gou tamtahkichom doh ho kachom khom dingajeh chu amiho chun gancha ahaotheijun chule nei le gou dang tampijong tun anei tauvin ahi. Amahonvannoi leiset pumpi hi ama hokimvella kipei danin agellun ahi.

¹³Ahinlah Sheba leh Dedan chule Tarshish a kivei mihon hing donguvin tin Sepai nakhop khom houhin dangka leh sana chom doh jounauvin te tia nagel uham? Na sepaihou chun agancha hou delmangjouvin tin chule athil hou kilah pehin tin chule thil kichom doh chengse kipoh mang inge tia nagellu ham? Thaneitah Namho Israel In Kimaitopi

¹⁴Hitiahijehchun, Mihem Chapa! Gog dounan gaothu seijin. Thaneitah Pakaija kon hiche thuhiseipeh in. kamite agamsung uvalungmonga achen teng uleh nangleh nang nahung kitho doh ding ahi.

¹⁵Nangma nachenna gam sahlanggamkai mun gam latah a koninnasakol chung tou galsat miho lehnasepai tamtah hi tih nahung ding ahi.

¹⁶Chule nangin kami Israeltehin bulu in natin, agamsung chumeijin atom bangin hin tom innate. Khonung phat sottah joutengleh mijouse vetdinga kamitedouna nangma kahin puija nahungniteng chule thilsoh chun kathennaaphondoh ding ahi. Vo Gog, hitiachu namtin vaipin keima hi Pakaikahi ti ahin hetdoh dingu ahi.

¹⁷Hiche hi thaneitah Pakaiyinathudoh chu ahi. Nangma hiphatsot tah masanga kana houlimpipa chu nahim, Israel themgao ho akonna khonung thu ding kiphondohnachu. Keiman nangma chu kamitedouna a kahin pui ding nahi tiakasei khah em?

¹⁸Ahivangin hiche thaneitah Pakaithusei ahi. Gog in Israel te ahindelkhum tengleh kalung satna chutwi souva sou ding ahi.

¹⁹Kathangset nale kalung hannadeu jap jap a chu, hiche niteng chule Israel gamsung nasa tah a kaholingding ahi tin kaki hahsel tai.

²⁰Thil hingthei jouse – twikhanglen a nga ho hihen, van tham jolla lengle vacha ho hihen, tolhanga lhaleganhing ho hihen ganhing neuchacha kalphi chetna lhaiho hihen, chule leiset chunga mihem jouse –ka angsunga kihot ling soh diu ahi. Molsang jouse kihot nem soh a, koltah ho jong kihot chip soh ding, bang ho jong leisetna lhu gam diuahi.

²¹Keiman Israel lhang sang hochunga chu nangma doudingachemjamkikoidingahitin thaneitah Pakaiyin aseije. Namiten achemjam u amaho le amaho khat leh khat douna alap dingu ahi.

²²Keiman nangma leh nasepai ho natna hise le thisan lonna ka engbol ding; keiman gotwi long hoh hoh banga kajuh sah a, gel kalhah sah a, mei le kath meika hicheng hi kahin solding ahi.

²³Hitia hi keiman kaloupina le kathenna ho kei kei ken vannoi leisetchitinnamtinte jouse hettheija kakiphon ding ahi. Hitia chu amahon keihi Pakai kahi ahet diu ahi.