Ezekiel 27

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

43

44

45

46

47

¹Hichun Pakai thusei hiche hikahenga ahung lhunge.

²“Mihem chapa, Tyre a dinga thi lhahna laa sah peh in.

³Vannoi leisetna sumkol veina munpi pen twikhanglen a kongkai mun thupitah chu ahi. Thanei natah Pakaija kon hiche thu hi Tyre mite pen. O Tyre! Nangman nakiletsah in kaoi chamkim soh e nati.

⁴Nangin nagamgi twikhanglen chanin nakeh lenne. Nasem doh hon nasem hoi chamkim soh tauve.

⁵Nangma kong innei lentah tobang nahi. Nangma Senir gama chahthing hoi pen pena kisem nahi. Kong chunga kitung doh dingin amahon Lebanon gam Cedar thing alauve.

⁶Bashan gama gangpi thing hochun nakong khe ho nasuipeh uve. Nalhong ho chu Cyprus twipangchah thinggo kisem ahin, asungsaiha a kisem ahi.

⁷Nakong tolna ponlap chu Egyptgama tupat ponnem hoipen a kisemahin, chule nachunga chun ponlapbangin akijal e. Nangma nakongkhunna chu twikhanglen pangakonna vandum le ponsan dup a vahset kisem noija chun nadinge.

⁸Nakong khe jap a pang ho chu Sidon leh Arvad a kon ahiuvin, nakong suija pang ho chu Tyre munkhutthem ho ahiuve.

⁹Geballa kon khut them mihonakong chu twilut louna dinginathoimat peh un ahi. Asumkol veinakhantouna ding chun gamtinnakonnin thilpoh pumin kong tol hon kong ahin tol lut lut uve.

¹⁰Gamla tah a um Persia, Lydiachuleh Libya a hung kon pasal hochun thahat nasepai a chun apanguve. Amahon nangma nasatah anajanao vetsah in alummu leh aphohou nabanga akhai uve.

¹¹Arvad leh Helech a kon pasalho chu kulbang chunga chun adinguve. Na insung ho jong Gammada kon mihon nasah peh u ahi. Nahoina suh chamkimnan alumunabanga akhai uve.

¹²Tarshish miten kivei mihochu nathil joh lah a dangka, thih, langva, chule ngen ho chu ahungkichoh jiuvin ahi.

¹³Greece gam, Tubal gam, chuleh Meshech gama konna kivei miho chun soh ho le sum enga kisemthilkeu ho chu nang ho toh kiveitonading in ahin pouve.

¹⁴Beth-togarmah a konin sakol, sakol kangtalai chule sangan hojouse chu nathilkeu toh kithot todingin ahunguve.

¹⁵Dedan a konna kivei mihochun saiha ho leh ebony thingakisem thilkeu ho chu thil mannapeh dingin ahin pouvin, hiti chuntwikhanglen panga kailhang munhotamtah chu nangma thuneina noijaum ahiuve.

¹⁶Syria ten asumkol vei mihouchu nahao satna thilkeu jat tamtahho chodin ahin solluve. Amahonsongmantam engdum, ponsandup, pahcha jemhoi tah tah a kikhongpon, tupat ponnem chule Coral leh Ruby songmantam a kisem kijepnaho a kisumkol veipi to dingin ahin pouve.

¹⁷Judah leh Israel in thih a kisemthilho Minnith na kon kilhainasuhlou chang, theichang, khoiju, Olive thao leh than namtwi ho hinnangto akivei khome.

¹⁸Damuscus in asumkol vei mihochu Hebronna konin Jul eh Zahar lakon Samul kang ho ahin poh sah in, nahaosatna natilkeu ho chodin ahinsole.

¹⁹Greek miho Uz a koninnasumkol veiho toh kivei khom dinahin sole. Thih a kisem, thingthalthinga kisem chule thil namtwi hochu na thih ho toh lhet din ahinpouve.

²⁰Dedan in asumkolvei mihochun nangma toh kivei khom dinkampola sakol pho mantam tah tahho chu ahin poi.

²¹Arabian te leh Kedar lengchapaten asumkol vei miho chukelngoi nou ho le kelngoichal hochu nang thilkeu to kilhet to dinahin pouvin ahi.

²²Sehba leh Raamah a sumkolveimiho chu thing ai-eng, songmantamchule sana ho chu ajat jousennangma thih akisem thilho tohkilheh dingin ahunguve.

²³Haran, Canneh, Eden, Sheba, Asshur chule Kilmad ho jongasumkol veimi ho toh ahunguve.

²⁴Amaho chun deitum pon jatchomcjhoma kisem ho –pondum, ponkijem pah bitbet ho, lhong ponphaapolla kisem ho kijel tupma chulekhaova kikantup ho ahin pouvin ahi.

²⁵Tarshish ho kong len ho chunanga ding twikhanglen chunga kiveina gari ho chu ahiuve. Na twikol gamsunga nathih johna inhoa chun agei chan adimin ahi. Tyre Kishmang Nikho

²⁶Ahivangin ven, nakong tol hontwikhanglen na huipi gopi kitholaha natollut u ahitai. Solam kongkai mun thahat tah chun nakongatatkha in twikhanglen lailungachun napolut tai.

²⁷Imajousemangahahitai. Nahaosatna jouse leh nachihnajouse leh nakong tolho leh nakonglamkai te ahiuvin, nakong semhoahin, nasumkol veiho ahin, chulena gollhang ho ahiuvin, namanthahnikho chun nakong sunga touhojousetwikhanglentollangaalhalhum soh tauve.

²⁸Twikhanglen panga nakhop hochu kong lamkaite kichat tijat a akajeh u chun akihot lhu gam tauve.

²⁹Nakong khechun jousen akong uadalha tauve. Kong tolho leh konglamkai ho chu twikhanglen pamneldi lah a chun ahung ding uve.

³⁰Amaho hapen in apeng uvinchuleh lhase tah in akap uve. Amahon aluchung uvah leivuiakithe khumun leivui lah a akitangleuve.

³¹Amahon nachunga alunggimnajeh in alujang sam u akivo chaiuvin chule khaodip pon akisil uve. Nanga dingin ama lungna tah inakap uvin, chuleh lunghem tah inaum uve.

³²Nang chunga peng loi loijunakap pum uvin chuleh nalung hempiuve. Amahon hiche thilhahna la hi lungkham tah in asauve. Tyre tobang khopi dang ana um kham! Tun twikhanglen tol lang inthipchet in aumtai. Tyre Gouthil Kisuhmang

³³Nakiveina thil ho chun namtinvaipi tamtah ngaichat abulhit pehin leiset ning langa lengho chunakiveina chun ahaosah e.

³⁴Tun nang kong kitatgep chunahitai. Twikhanglen to a chip deha um nahi. Nakiveina thilho lehkong sunga natongho jouse nangmatoh nakum suh khom tauve.

³⁵Twikhanglen pama cheng hojouse tijat kichat umtah nevangsetnajeh in akicha gam tauve. Aleng teukichat in adim tauve, chule maimoldeh duh in aveuve.

³⁶Namtin vaipi lah sumkolveimihon nangma mitmun alu nathinkhum taove. Ajeh chu nangma tijatumtah naki chaitan, chule naa hungnung umdoh kit louhel ding ahitai.