Eksodus 40

1

2

3

4

5

6

7

8

9

10

11

12

13

14

15

16

17

19

20

24

31

32

33

34

40

¹⁷Gêdêŋ jala kêtu luagêcŋa ŋaajôŋ ŋamataŋa ŋabêc ŋamataŋa êsêac sêkwê lômbec tau sa.

¹⁸Mose kêkwê lômbec sa. Eŋ kêkêŋ nombaŋ to kêmasaŋ sagiŋtêkwa ma kêkêŋ budeŋ gêsac ŋaô ma kêkwê alê ŋalêlômŋa.

¹⁹Go gê obo kêpi lômbec tau ma kêmasaŋ obo teŋ gêsac ŋaô kêtu salôm, kêtôm Apômtau kêjatu eŋ.

²⁰Go Mose kêkôc poc tapa ma kêkêŋ kêsêp katapa poacŋa. Su, go kêmasaŋ katapa ŋata ma kêkêŋ ŋagadê gêsac katapa tau ŋaô.

²¹Ma eŋ kêkôc katapa kêsô lômbec gêja ma kêkêŋ obo baliŋ geŋkaleŋ gêsaŋ katapa poacŋa auc, kêtôm Apômtau kêjatu eŋ.

²²Go ketoc tebo kêkô bec sêkac tauŋ saŋa. Tebo tau kêkô obo baliŋ nêmŋa kêkanôŋ gamêŋ gêmu kêpiŋa,

²³ma kêdênaŋ polom, taŋ sêkêŋ gêdêŋ Apômtau kêtu da naŋ, gêsac tebo ŋaô, kêtôm Apômtau kêjatu eŋ.

²⁴Ma eŋ ketoc jakaiŋ kêkô bec sêkac tauŋ saŋa ŋalêlôm, kêkô tebo ŋamakeŋ kêkanôŋ lômbec ŋagamêŋ gêmu kêsêpŋa,

²⁵go kêkêŋ ja ŋalêsi kêkô Apômtau laŋônêmŋa, kêtôm Apômtau kêjatu eŋ.

²⁶Go ketoc altar gold kêkô obo baliŋ ŋalêlôm aŋga bec sêkac tauŋ saŋa tau.

²⁷Go kêkêŋ ja geŋ gêŋ ŋamalu, taŋ gêsac altar ŋaô naŋ, kêtôm Apômtau kêjatu eŋ.

²⁸Go kêkêŋ obo baliŋ geŋkaleŋ lômbec ŋasacgêdô.

²⁹Ma ketoc altar dajaŋa kêkô bec sêkac tauŋ saŋa tau ŋakatam nêmŋa ma kêkêŋ daja to da gêŋ kêpuc ŋamalac ôliŋ tôŋŋa gêsac ŋaô, kêtôm Apômtau kêjatu eŋ.

³⁰Go ketoc laclu kapôêŋ kêkô bec sêkac tauŋ saŋa to altar ŋasawa ma kêkêŋ bu kêsêp êtu sêkwasiŋ lemeŋ to eŋkaiŋ ŋa bu tau tonaŋ.

³¹Mose ma Aron to latui sêkwasiŋ lemeŋ to eŋkaiŋ ŋa bu tau tonaŋ.

³²Kêtôm têm samob, taŋ êsêac sêsô bec sêkac tauŋ saŋa to sêndambiŋ altarŋa naŋ, sêkwasiŋ tauŋ, kêtôm Apômtau kêjatu Mose.

³³Ma eŋ gêjac balaŋ malacluŋ to lômbec ma altar auc ma kêkêŋ obo geŋkaleŋ malacluŋ ŋasacgêdô amboac tonaŋ. Tec Mose gêjac dabiŋ nê kôm tau.

³⁴Go tao gêsaŋ bec sêkac tauŋ saŋa auc ma Apômtaunê ŋawasi gêjam lômbec ŋalêlôm auc.

³⁵Ma Mose kêtôm gebe êsô bec sêkac tauŋ saŋa êna atom, gebe tao kêkôm auc ma Apômtaunê ŋawasi gêjam lômbec ŋalêlôm auc.

³⁶Kêtôm têm samob, taŋ lau Israel sêsêlêŋ sêmoa intêna naŋ, tao embe êôŋ sa aŋga lômbec, go êsêac sêndi ma sêsêlêŋ.

³⁷Mago tao embe êôŋ sa atom, go sêndi sêsêlêŋ atom, sêôŋ e tao êôŋ sa acgom.

³⁸Kêtôm têm samob, taŋ lau Israel sêsêlêŋ sêmoa intêna naŋ, Apômtaunê tao kêkôm lômbec auc gêdêŋ geleŋŋa, ma ja gêjam tao auc gêdêŋ gêbêc. Israelnêŋ gôlôac samob sêlic.