APOSETOLO EDIA KARA 9:16-24

¹⁶Badina ia dekenai be dohore lau hadibaia, ia ese hisihisi momo lauegu ladana dainai do ia abia.”

¹⁷Vadaeni, Anania ia lao, ruma dekenai ia raka vareai, iena imana ruaosi Saulo ena latanai ia atoa, ia gwau, “Lauegu tadina Saulo e, Lohiabada Iesu, dala oi mai neganai oi dekenai ia hedinaraia tauna, ese lau ia siaia, oiemu matana do idia kehoa, bona Lauma Helaga do oi abia totona.”

¹⁸Bona karaharaga gau haida momoru bamona Saulo ena matana dekena amo idia moru, vadaeni iena matana idia kehoa. Gabeai ia toreisi, bapatiso ia abia.

¹⁹Vadaeni ia aniani, bona iena tauanina ia goada lou. Saulo be dina haida Damaseko dekenai ia noho, diba tahua taudia danu.

²⁰Vadaeni nega tamona, dubu lalonai ia ese Iesu ia harorolaia, ia gwau Iesu be Dirava ena Natuna.

²¹Idia kamonai taudia ibounai idia hoa, idia gwau, “Inai be Iesu ena ladana idia gwauraia taudia Ierusalema dekenai ia hadikadia tauna, o lasi? Bona iniseni dekenai ia mai danu, haida do ia kwatua bona dubu biagudia dekenai ia abidia lao totona, a?”

²²To Saulo ena siahu ia bada daekau, bona Iesu ia harorolaia noho, ia gwau ia be Keriso momokani. Inai dainai Iuda taudia Damaseko dekenai idia noho, be idia haere henia diba lasi.

²³Dina momo ia lao, vadaeni Iuda taudia idia hebou, Saulo idia alaia dalana herevalaia totona.

²⁴To Saulo be edia alaia herevana ia kamonai. Idia be hanua ena ikoukou ibounai idia koua, dina bona hanuaboi, idia alaia mase totona.