2 Cronica 5

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

¹Hein nepasad en ni Solomon is langun he vaal zutun te valey te Nengazen, ne mid-uwit din diyà te menge budiga zutun te valey te Nengazen is langun he menge azen he impehinungud te amey zin he si David–is menge pelata, menge vulawan, wey zuma pa he menge ǥelemiten.

²Impetawag ni Hadì Solomon diyà te Jerusalem is menge edumala te Israel wey is langun he menge pengulu te menge tribu wey menge pemilya te Israel, su ibpekuwa zin kandan sikan is Kavan te Kebpekid-uyun te Nengazen puun te Zion he Inged ni David.

³Midhendiyè dan is langun te ki Hadì Solomon hein Pista te Kebaal te menge Lawig, te ikepitu he vulan.

⁴Hein nevurun en is langun he menge edumala te Israel, ne migkuwa zuen te menge memumuhat wey menge Levihanen kes Kavan, ragkes en kes Tulda he Edtelevukaayan wey kes menge segradu he menge gelemiten kayi, ne mid-uwit dan heini langun petekezeg diyà te valey te Nengazen.

⁶Nemuhat si Hadì Solomon wey is tivuuk he keet-etawan te Israel ziyà te etuvangan duen te Kavan te Kebpekid-uyun te Nengazen. Utew mahabet is menge kerehidu wey menge vaka he impemuhat dan; kenà heini egkevilang.

⁷Ne mid-uwit duen te menge memumuhat kes Kavan te Kebpekid-uyun te Nengazen diyà te lugar he kineselezan duen te valey te Nengazen, duen te Utew Segradu he Lugar, diyà te zizalem te menge pakpak duen te ledawan he menge kirubin.

⁸Nevekar is menge pakpak dutun te menge kirubin, umbe netembunan sikan is Kavan wey sikan is menge tival zuen te kavan.

⁹Heini he menge tival utew memelayat, is menge purù dan edlavew pa zuen te Kavan ne egkaahà diyà te Segradu he Lugar, diyà te etuvangan duen te kineselezan dutun te valey te Nengazen, piru kenà heini egkaahà diyà te gawas duen te Segradu he Lugar. Ne zutun pa heini taman en guntaan.

¹⁰Wazà duma he taǥù duen te Kavan gawas duen te zezuwa he melumpipì he menge vatu he intaǥù dutun ni Moises hein diyà sikandin te Horeb, ne zutun himuwa te Nengazen is kebpekid-uyun din te menge Israilihanen hein migawas dan diyà te Ehipto.

¹¹Ne kegkepasad dutun, ne migawas kes menge memumuhat dutun te Segradu he Lugar. Is langun he menge memumuhat he zutun ne nenlumpiyu te keugelingen dan, timpu man te kebpenilbi zan etawa kena.

¹²Is menge Levihanen he menge musikiru ne iyan si Asaf, si Heman, si Jedutun, wey is menge anak dan he menge maama, wey menge kezuzumahi zan ne midhitindeg diyà te zapit te edsilaan he avey zutun te pemuhatà. Mibivisti zan te linu he edtukar te menge simbal, alpa, wey lira. Iyan duma zan dutun is 120 he menge memumuhat he ebpezaǥing te trumpita.

¹³Is menge perekanta, ne midalig dan wey mibpeselamat dan te Nengazen he eduyuǥan te trumpita, simbal, wey zuma pa he menge gelemiten. Iyan heini kanta zan: “Meupiya is Nengazen; wazà pidtemanan te gaǥew zin.” Ne zutun nepenù te ǥapun haazà is baley te Nengazen.

¹⁴Kenè en egkeveelan te menge memumuhat is buluhaten dan dutun te valey te Nengazen tenged te ǥapun, su is gemhanan he kebpekiduma te Nengazen nekepenù dutun te valey te Nengazen.