1Zizan nitu tre inton mba imme, mmri vayi, ana wa ba la nha kpie nitu ma ni yiwuna.
2Nitu biyi kimbi bi to ngyre-ngyreme ndi ivi u Bachi ani he na ndji u y'bi ni chu.
3Wandi to ba tre si suron ni sonsi u iyayiwo tie gbla ye tu mba. Ani he na illo uwa ni grji. Bana tie bre na wo na.
4U biyi, mmri vayi, bina he nimi bwu na wa ivi kika ye yiwu gbri me na ndji u y'bi.
5Don biyi mrli bi kpan ni mrli bi rji-i. Kina mrli bi chu ko bi bwu na.
6To wa-a, ki kana krunna to bari na. Amma kie ki hamma krunna ndi na son hlega na.
7Don bi krunna ba kru ni chu, u bi so ihi-a ba so ni chu me.
8Amma kita biwa kie u'rji, gbigbi kie ka ki ni wrli ndi ka kpambu ni idran u son mba u bangaskiya ni yo suron ni Cheto.
9Don Irji ana chuta ni nfu na, amma ndu ta kpa Cheto ni nkoh Bachi mbu Yesu Kristi.
10A wawuyi kwu ni tawu ndi ndu ta na kwu na, ko kie he sisren ka ki krunna.
11Toyi bika tre ndindi ni kpa mbi ndi mme kpambi to wa bi fran ni tie.
12bre yi njanjimu, mrli vayi, dun yi to tie ni bi ndu niyi ni ba nikoh mbi u Bachi wa ba nnoyi tre wa bi kri gbangban.
13Kie hla yiwu ndu yi mla ba rji ni son don ndu mba. Ki ni sikpa nikpa mbi.
14Ki bre yi, mri vayi: gbiton ni biwa bana to zren na, nno yo suron ni biwa isuron mba rju, zo biwa ba kwugble, ndi he vu suron ni ndji wawu-u.
15Na ndu ri mbi rjula meme ni meme na. Ni naki, tie ndindi ni kpa-mbi.
16Ngiri chachuwu.
17Bre ka kle.
18Nimi ko ngyeri, ngiri. Don ahi tie Irji nimi Yesu Kristi ni yiwu
19Na wu Ruhu'a na.
20Na kpa anabci zri na.
21Tsra ko-ngye. Vu nji kpie'a nda ndindi.
22Hi gbugban mu ni meme kpi
23Dun Irji wa ani nno si'a ngla yi tsatsar me. Dun wawu suron mba ikpa mbi he ni ka la-tre hi ni ye Bachi mbu Yesu Kristi.
24Wawu wa a yo yi'a ahe ni njanji suron, u wawu ni tie ngame.
25Mmri vayi, bre Irji ni tawu ngame.
26Chi mmri vayi wawu-u ni chi u vri sisan.
27Mi bre yi ni-nde Bachi ndi kra mbi yi mmri vayi wawu.
28Dun Aliheri u Bachi mbu Yesu Kristi dun he ni yi.
