1Mɔla yali n nua o yogu yeni a dana ke tie lan tieni tili ka,
2kelima i bani ke o diedo yogu ba cua nani o suudi yeni u ñiagu.
3U yogu cuon, b tɔba b maadi: li kuli tie pamanli yeni tin ye li guunlin.” ama u tienu fala b jiidi ti po nani ti madi n yi cuo o pua i, yeni bi kan ñaa leni palbi.
4Ama n ninjaba, i ke ye li bonbonlin k li daali n te ba i po nani o suudi yen ka.
5Kelima i kuli tie mi yinyinma yeni li daali yabi. I ke tie o ñiagu yabi ke buali bonbonlin.
6Mɔla, da gɔa man nani bi tɔba yeni. Ama ya cengi mani.
7Kelima, yabi n gɔa o ñiagu
8Nani tin tie u yienu bila yeni, ti baa ŋani, ke la li dandanli yeni m buanma, k ciibi ŋalbaga.
9Kelima u tienu ke lugdi'ti ke u mutuoli n ba ti po ka ama ti yonbidaano jesu buanma po.
10Ke kpe ti po, ke nua ti gɔgi, ti fuo yeni wani.
11Mɔla, ya taagi ke gɔa ya todi mani i lieba nani yin ban maama yeni.
12Ti jaandi k yin ya bani ke cɔnlin bi cianbi yeni yabi n ŋmagdi u tienu tuonli.
13Ti miadi ke yin ya pia mi buanma bi po ke dugni tuona po. Ya ye mani li pamanli ni.
14Ti pug'i, maadi mani yabi n fuo li ŋmadlin ya paandi yaab ye a maaban, ke todi talignba, ya jie man b nunbaogu.
15Cuo mani iba ke nilo n da ŋmiandi biandma, ama ya ŋua mani yaali ŋani ŋmianma yua kuli kani.
16Ya ye mani li pamanlin yogu kuli.
17Ya jaandi mani ke da sedi.
18Ya tiendi mani baligi bonli kuli po, kelima u tienu bua yeni jesu po.
19Da jundi mani mi tagma.
20Da yie mani mi dɔgdima.
21Ama ya bigidi mani li kuli. Ŋɔdimani yaali n ŋani.
22Yie mani bonbiili kuli.
23Mi yanduanma tienma n paag'i, ke i tagima, i nalimu yeni i gbannandi n ya ye o kani ke jeje ki ye hali ti diedo jesu cuanma.
24Yua n yini ŋani, wani n gɔ bi tieni.
25N lieba, ya jaandi mani ti po.
26Fuondi mani i lieba kuli ti ŋandin.
27Yonbidaan po i ke nmaadi, ke bi numɔnba kuli n cogi li tili ne.
28Ke ti diedo jesu baliga n ya ye yeni
