3गो हिंङानु, इन कली थमा सुइक्नुङ।
4मिनु गो परमप्रभु आ लोव़ ठेयब सेल्नुङ। मेकोमी प्रोंइब, दे थमा सुइश्शा, महिंथु बाक्नुङ। मुरपुकीमी आं कली मार पाइक्ने चाप्नीमी ङा? भजन संग्रह २७:१; भजन संग्रह ११८:६; यसैया १२:२; यसैया ५१:१२; मत्ती १०:२८
5नाक्त रे मेकोपुकीमी आं लोव़ दूली सेल्शा लोव़ पाइनीम। मेको आन मिम्शो नेल्ले आं कली श्येत गेचा कली ला बाक्ब।
6मिनु मेकोपुकीमी आं कली क्यारी पा बाप्शा साइक्चा माल्नीम।
7परमप्रभु, मेको आन कली काइ प्रोक्चा मगेन। इन गाइक्चामी मेको मुर आन कली खतम पोक्कीन।
8आं रोंका पशो मिम्तीन। आं प्रेक्कु इन ग्योंबुम कुर पा वोतीन। मार, मेको इन लोव़ ब्रेक्शो किताबम ब्रेक्शो मबाक्बा ङा?
9मिनु गो इन कली “वारच पाइय्यीनी” दे पुनुनु, आं जोरी सत्रु लेश्शा प्रोक्नीम। मिनु परमप्रभुमी आं कली दाक्ब, दे तुइक्नुङ।
10गो परमप्रभु आ लोव़ ठेयब सेल्नुङ। गो परमप्रभु यावे आ लोव़ आ पर्बम ग्येरशा लोव़ पाइनुङ।
11गो “परमप्रभुमी श्येत रे प्रोंइब” दे थमा सुइश्शा, महिंथु बाक्नुङ। मुरपुकीमी आं कली मार पाइक्ने चाप्नीमी ङा?
भजन संग्रह 56
भजन संग्रह 56:3-11