SAM 56:3-11

³Siwan ngana Anutu enane siknga yuak kapa, tapduu gwendune nata sanga tapatue gwaukengu gae baniu kekeknga siwit.

⁴Na Anutue banip singgat. Ie banip sike itane siakan wam takngae take siknga natake natanggamatanggat. Na Anutue banip singgatde aminda nae mina binga takngatu tasiwa maiwit takngae dua gwaumbit.

⁵Sangabamu nata atasinangge yawa natake iwanata wamu waaknga tapatekngwamban inata siknga singgak. Asingganu kepi zaaknga tawake tasina maiwik, ngang nataaing.

⁶Natake waaminu unekan yuke akusopuke yuaing. Kepi nata sukunggau katak siknga kakenga na nutapan kupitde tasikaing.

⁷Anutu, nae waiaknga tasikaingge gata yake meya buyambam yamuyo. Gata musiptok natayamuke waaminu ayapbike yaipakepso.

⁸Meya gwaamuke nata musipmaik nataau, ga atnatapinaa kwanamu sike yuat. Unzingge gata waakngae atnatanggamatayuuk, gikane buk gopatangu gwa matakuyak.

⁹Anutu, nata gae tumuk wam yawanu gata tasiwi iwanata masa namuke datakuning. Datakuwa kake gata gatangamunangge tasinggaak ngang natapit.

¹⁰Na Anututane wamna asiknga baknganggat. Ngan, Buyambam tapatane wamna yatangenanggat.

¹¹Na Anutue banip sike ita wamu yawan kekekakut takngae natanggamatanggat. Unzingge sanga tapatue dua gwaumbit. Dua gwaumba aminda nae mina binga takngatu tasiwa maiwit? Wena.