Kap 56:3-11

³Piŋkop, yo kɨnda do pasoldot bɨsapmon, egɨp egɨpno gagon tosok yaŋsi nandɨsat.

⁴Egɨp egɨpno Piŋkopmon tosok yaŋsi nandaŋek geni bamɨsi do nandak nandak aŋek mani awɨgɨsat. Nak Piŋkop nandaŋ gadaŋ ɨmɨŋek yo kɨnda do dɨma pasolgeŋ. Amɨn da nak do yo kɨnda arɨpmɨ dɨma ani.

⁵Yo morap akdɨsat uŋun uwal da paŋupbal ak do pi aŋ. Toktogɨsi nak aŋupbal ak do kosit wusɨk aŋ.

⁶Uŋun kɨsi muwugek si pasɨlek ekwaŋ. Nak da kosit agɨsat uŋudon yubɨŋek nɨkba kɨmokgeŋ do pi aŋ.

⁷Piŋkop, gak da aŋpak yokwi aŋ uŋun do yo yokwisi aŋ yobi. Gak butjap nandaŋ yomɨŋek emaron teban taŋek pabɨŋ yopbi.

⁸Jɨgɨ pasat uŋun gak da nandɨsal. Aŋek nak uŋun do jɨgɨsi nandaŋek kunam tagegɨsat. Kunam pakbino niaŋ da moŋ uŋun gak da manjɨŋek papiagokon kɨlɨ mandal.

⁹Nak yaŋsi nandɨsat, Piŋkop uŋun paŋpulugokno, do bɨsit aŋ ɨbeŋ bɨsapmon uŋun da uwalno yolban kɨŋ mudokdaŋ.

¹⁰Nak Piŋkop dakon gen awɨgɨsat. Asisi, Yawe dakon gen awɨgɨsat.

¹¹Egɨp egɨpno Piŋkopmon tosok yaŋsi nandɨsat, do yo kɨnda do dɨma pasolgeŋ. Amɨn da nak do yo kɨnda arɨpmɨ dɨma ani.