Pisalem 56:3-11

³Meenei Dimaadua di Gowaa Aamua, dogu madagoaa ma ga madagu, gei au e hagadagadagagee adu gi di Goe.

⁴Au e hagadagadagagee gi God, gei au hagalee e madagu. Au e hagaamu a Mee i nia mee a Mee ala ne hagababa. Ma di aha e mee di hai go tangada mai gi di au?!

⁵Ogu hagadaumee e gaamai gi di au nia haingadaa i lodo di laangi dogomaalia, digaula e hagabaubau di nadau hai dela belee haga huaidu au i nia madagoaa huogodoo!

⁶Digaula e dagabuli hagammuni i lodo nia gowaa nngala, e dadaumada agu mee huogodoo ala e hai, e hiihai e daaligi au gii made.

⁷Meenei God, daaligidia digaula i nadau hai huaidu. Haga magedaa ina nia daangada aalaa gi do hagawelewele!

⁸Goe e iloo hua be au e haingadaa behee. Goe gu hagailongo di logo o ogu wai dangi. Nia maa digi hihia Kooe gi lodo dau beebaa?

⁹Di laangi dela ma ga gahigahi Goe ko au, gei ogu hagadaumee ga hagadiga gi muli, gaa hula gaa llele. Au e iloo di mee deenei, idimaa God la i dogu baahi,

¹⁰ma go Dimaadua, dela e hagahagaamu ko au ana hagababa.

¹¹Ma go Mee dela e hagadagadagagee ginai au, gei au ga hagalee madagu. Ma di aha e mee di hai go tangada mai gi di au?!