1कुम्सो पपाइक्ब कली ङोन ङा रवाम बाक्शो ढुकुर आ कुम्सो आ लायो। पलिस्तीपुकीमी गाथ सहरम दाऊद कली ग्याइक्ची ना ङा दाऊद आ कुम्सो। १सामुएल २१:१०-१५ परमप्रभु आं कली शिशी पाइय्यीनी। मारदे हना मुरपुकीमी आं कली शुश खेदा पाइनीमी। नाक्त रे आं कली दिप्शो बाक्नीम।
2नेल्ल क्येङा ठेयब, नाक्त रे आं कली दिप्बपुकीमी आं कली श्येत गेनीमी। आं कली खेदा पाइब शुश बाक्नीम।
3गो हिंङानु, इन कली थमा सुइक्नुङ।
4मिनु गो परमप्रभु आ लोव़ ठेयब सेल्नुङ। मेकोमी प्रोंइब, दे थमा सुइश्शा, महिंथु बाक्नुङ। मुरपुकीमी आं कली मार पाइक्ने चाप्नीमी ङा? भजन संग्रह २७:१; भजन संग्रह ११८:६; यसैया १२:२; यसैया ५१:१२; मत्ती १०:२८
5नाक्त रे मेकोपुकीमी आं लोव़ दूली सेल्शा लोव़ पाइनीम। मेको आन मिम्शो नेल्ले आं कली श्येत गेचा कली ला बाक्ब।
भजन संग्रह 56
भजन संग्रह 56:1-5