Salmo 56:1-5

¹He Megbevayà, kehizuwi a kenikew, su edsurungen a te menge kuntada ku. Layun e zan edresaya.

²Layun a edsurunga te menge kuntada ku. Utew Lavew he Megbevayà, mahabet is egkuntada kediey.

³Emun ebpekeǥezam a te kegkahandek, ne edsarig a ziyà te kenikew.

⁴He Megbevayà, edeliǥen ku sikew tenged te penaad nu. Kenà a egkahandek su edsarig a kenikew. Wazà etew he ebpekezezaat kedì.

⁵Layun ibpesuwey te menge kuntada ku is menge lalag ku. Layun dan ebpelanu te kedezaat kedì.