3परमप्रभु यावे कली जिम्मा गेंसीशा, रिम्शो पने। रागीम रिम्शो दुम्शा बाक्चा ताइनीनी।
4परमप्रभु यावे कली तुइश्शा, ग्येरसीने। मेकोमी इन थुंम पुंइशो गेब। भजन संग्रह २०:५
5गे परमप्रभु यावे कली जिम्मा गेसीने। मिनु मेकोमी इन पर्बम गेय पाइब।
6मेकोमी इन ठीक दुम्तीके छेङछेङ खोदेंशो पा ग्रूपाइक्ब। इन ठीक पतीके नाक्ती खोदेंशो दुम्पाइक्ब। मीका ७:९
7परमप्रभु यावे आ ङोंइती सिक्सी पा बाक्शा, मेकोमी पाइब, दे रिम्दीन। आन दला दाक्स पाइब नु मरिम्शो मिम्शा पाइब आन पर्बम मचुरीने।
8गाइक्चा नु चुरचा प्रोनीन। मगाइक्तीन। मारदे हना मो पतीकेमी इन कली मरिम्शो पपाइक्ब।
9परमप्रभु आ अरेशो मटीब क्याम्चा पुंइसीनीम। तन्न परमप्रभु यावे आ लां कोव़बपुकी रागीम बाक्चा ताइनीम।
10इच्का नाक्त नोले परमप्रभु आ अरेशो मटीब मलीनीम। गेपुकीमी मेको आन कली माल्तीनी हना यो, मथित्नीनी। मेको आन बाक्तीके श्येत्थ बाक्ब।
11ब्रेम्शोपुकी रागीम बाक्चा ताइनीम। मारेइ मारेइ तशा ग्येरशा, ठेयब थुं पा बाक्चा ताइनीम। मत्ती ५:५
12मिनु परमप्रभु आ अरेशो मटीबपुकीमी ठीक पाइब मुर आन पर्बम “दोपा श्येत गेचा नमी” दे मिम्शा, आन ख्रुइ शेप्शो बाक्नीम।
13तन्न परमप्रभु मेको आन कली तशा, रिप्ब। मारदे हना मेको आन नाक्त नुप्शो तुइश्शो बाक्ब। अय्युब १८:२०
14परमप्रभु आ अरेशो मटीबपुकीमी प्रुङग नु श्येत जाइब आन कली साइक्चा कली तरवार शोइक्नीम। आन लिब्रा कीनीम। रिम्शो थुं पाइश्शो मुर आन कली साइक्चा माल्नीम।
15तन्न मेको आन तरवारमी आंमा आन लुङगीर तूचा पुंइसीनीम। आन लिब्रा जिक्नीम।
16परमप्रभु आ अरेशो मटीब आन शुश शोंप क्येङा ठीक पाइब आन इच्का खोइ शोंप रिम्शो बाक्ब। हितोपदेस १५:१६
17मारदे हना परमप्रभु यावे आ अरेशो मटीब आन गुइ जिक्चा पुंइसीनीम। परमप्रभु यावेमी ठीक पाइब आन कली रिम्शो पा बाक्चा गेब।
18परमप्रभु यावेमी दोस मताइब आन नाक्ती तुइक्ब। मिनु मेको आन शोंप गेना हना यो लीब। उपदेसक ८:१२
19ठेयब श्येत दुम नाक्ती मेकोपुकी मुने मदोक्नीम। मिनु अन्काल दुम नाक्ती मेकोपुकी जशा रूचा ताइनीम। हितोपदेस १०:३
20परमप्रभु आ अरेशो मटीबपुकी खतम दुम्नीम। मिनु परमप्रभु यावे आ जोरी सत्रु दिंम ङा रिम्शो घांस खोदेंशो बाक्नीम। मिनु मेकोपुकी सोल सुल बेक्शा, कुन खोदेंशो पा जाम्शा लाइनीम।
21परमप्रभु आ अरेशो मटीबपुकीमी जेर जशा, मथाप्नीम। मिनु ठीक पाइबपुकीमी हाइश्शो दुम्शा गेनीम।
22परमप्रभु रे आसीक ताइबपुकीमी रागी ताइनीम। परमप्रभु रे सराप ताइबपुकी जाम्शा लाइनीम।
23परमप्रभु यावेमी आ मुर आन थेक्तीक बोल्यो सेल्ब। मेको आन कली तशा ग्येरब।
24मेको दाइल पांइसाक्म हना यो, मगोल्नीम। मारदे हना परमप्रभु यावेमी मेको आन गुइ ग्याइश्शा, तिक्ब। हितोपदेस २४:१६
25गो ठिटा बाक्ती, मुल खाल्पा दुम्ती। तन्न ठीक पाइबपुकी नु आन तमी तौ नु चच युइमी मुल सम्म पुंइशा जशो गेनायो मतङमी।
26मिनु मेकोपुकीमी नेल्ल नाक्ती हाइश्शो दुम्शा, प्रुङग आन कली मार मार गेनीम। मिनु मेको आन आलपुकीमी आसीक ताइनीम।
27मरिम्शो पतीके रे ङोन बाक्कीन। रिम्शो पने। मिनु गे गेना हना यो ब्रोंइचा ताइनीनी।
28मारदे हना परमप्रभु यावेमी ठीक निसाफ दाक्ब। आ कली मप्रोंइब आन कली नेल्ल नाक्त गेना हना यो कोव़ब। ठीक पाइब गेना हना यो रिम्शो बाक्चा ताइनीम। तन्न आ अरेशो मटीब आन तमी तौ नु चच युइ तिल्चा पुंइसीनीम।
29ठीक पाइबपुकीमी रागी ताइनीम। मिनु गेना हना यो मेकेर बाक्नीम। यसैया ६०:२१
30ठीक पाइबपुकीमी जोक्तीक तुइक्तीक लोव़ पाइनीम। मिनु मेकोपुकीम ठीक पतीके शेंनीम।
31आन परमप्रभु आ अरेशो लोव़ मेको आन थुंमी बाक्ब। मिनु हेंथे मपथु, परमप्रभु आ लांम गाक्नीम।
32परमप्रभु आ अरेशो मटीबपुकीमी बाप्शा, ठीक पाइब आन कली साइक्चा माल्नीम।
33तन्न परमप्रभु यावेमी ठीक पाइब आन कली मेको आन गुइम दुम्चा मगेब। ठीक पाइब आन निसाफ दुम्मेनु, दोस मताइब दुम्पाइक्ब।
34परमप्रभु यावे कली रिम्दीन। मेको आ लांम गाक्कीन। मेकोमी इन कली ठेयब सेल्शा, रागी इन कली गेब। मिनु गे परमप्रभु आ अरेशो मटीब आन कली खतम सेल्चा ताइनीनी।
35गो परमप्रभु आ अरेशो मटीब लेबानोन ङा ठेयब रवा खोदेंशो दुम्शो ताता। १सामुएल ३५:२-३८; इजीकीएल ३१:३-१४
36मिनु गो आ बाक्तीक कोव़ता, मेको मुर मबा। गो मेको कली माल्ता, मथिदु।
37दोस मताइब आन कली कोव़ङीन। रिम्शो थुं पाइश्शो मुर कली कोव़ङीन। मारदे हना मेकोपुकी थुं नाइश्शा बाक्शो बाक्नीम। उत्पत्ती ३९:७-९
38तन्न हेंथे पाइब नेल्ल खतम दुम्नीम। परमप्रभु आ अरेशो लोव़ मटीब नेल्ल खतम दुम्नीम। आन तमी तौ चच युइ यो तिल्चा पुंइसीनीम।
भजन संग्रह 37
भजन संग्रह 37:3-38