Text copied!
CopyCompare
Pohnpeian Bible with Apocrypha - Melkahka Kan

Melkahka Kan 120

Help us?
Click on verse(s) to share them!
1Ni ei mihla nan apwal, I ahpw patohwan likweriong KAUN-O, e ahpw ketin sapeng ie.
2Maing KAUN, komw ketin doareiesang aramas likamw oh widing kan.
3Kumwail me likamw akan, dahme Koht pahn ketin wiahiong kumwail? Ia duwen eh pahn ketin kalokei kumwail?
4Lokolok en arep keng sang sounpei men, iangahki takai mwehl sang nan uhmw!
5Ei koukousoan rehmwail me kansensuwed rasehng ei keiru nan Mesek, de rehn mehn Kedar kan.
6Meid werei ei kousoanlahr rehn aramas akan me kin kailongki mwehi kapohl!
7Ni ei kin patohwan ong irail duwen mwehi kapohl, re kin mwahuki mahwen.