SALMO 11

1

2

3

4

5

6

7

8

10

11

19

23

27

34

37

46

51

53

55

61

73

100

104

119

121

133

139

¹Ñukaka Tata Diostami shuyani amachawananpa. Yankamantami chikniwak runakuna willawansapa: “Pawak animalkuna urkukunaman manchakushpa nitikukshina nitikuy.”

²Paykunaka willawansapa: “Mana alli rurak runakunata kawaychi. Paykunaka wachinkunata balista waskapi churashpa balistankunata pataransapa. Pakakudunkunamanta alli rurak runakunata shitansapa.”

³Willawansapa: “Mana awtoridarkuna tiyaptin ¿imatatí alli rurak runakuna rurankasapa?”

⁴Chashna willawaptinkunapish ñuka yachani Tata Dios wasinpi kawsananta. Sielupi tiyananmanta tukuy runakunata allita kawaykan.

⁵Tata Dios alli mana alli rurak runakunata kawan. Wañuchikunayashpalla kawsak runakunata Tata Dios tukuy shunkunmanta sukaman chikninsapa.

⁶Tata Dios mana alli rurak runakunapa sawanpi asufriwan rawraykak ninata tamyachinka. Wayrawan chay ninata rawrachinka chay sakra runakunata rupachinankunapa. Chashna rupachishpa kastigankasapa.

⁷Tata Dios alli rurakmi. Ñukanchikuna allita rurashpa kawsaptinchikuna kuyawanchisapa. Tata Diosta tukuy shunku kuyashpanchikuna payta uya uya kawashunchisapa.