41دیگرأن گفتیدی کی: «اون مسیحه!» امّا گروهی دیگر وَورسهییدی: «مگر مسیح از جلیل ظهور کونه؟
42مگر کیتابه مقدّس نوگفته کی مسیح از نسله داووده و از بیتلِحِم، دِهی کی داوود در اون زندگی کودی، ظهور کونه؟»
43پس بخاطره عیسی مردمه میأنی اختلاف دکفته.
44تعدادی خوأستیدی کی اونه گرفتاره کونید، امّا هیچکی اونه دست درازه نوکوده.
45پس قراولأنه معبد وأگردستیدی سرأنه کاهنأن و فَریسیأنه ورجه. فَریسیأن و سرأنه کاهنأن از اوشأن وَورسهییدی: «چره اونه نأوردیدی؟»
46قراولأن جواب بدَییدی: «تا الأن مثله اَ مرد کسی حرف نزه.»
47پس فَریسیأن بوگفتیدی: «مگر شومأنم فریب بوخوردیدی؟
48آیا از حاکمأن یا فَریسیأن کسی ایسه کی اونه ایمأن بأورده بی؟
49البته کی نه! امّا اَ مردمه نادان کی از شریعت چیزی نأنیدی، ملعونیدی.»
50نیقودیموس کی پیشتر عیسی ورجه بوشو بو و ایتأ از فَریسیأن بو، بوگفته:
51«آیا اَمی شریعت کسییه محکوم کونه، بدونه اَنکی اوّل اونه حرفه بیشنَوه و بدأنه کی چی بوکوده؟»
یوحنا 7
یوحنا 7:41-51