Dyan 7:41-51

⁴¹Man i dademe, “Ani sa Krayst i Mgalék Dwata.” Kabay man i dademe, “Là sa fakay ku i Mgalék Dwata mdà di banwe Galili,

⁴²du là kè gsulat di Tnalù Dwata, na i Mgalék Dwata dunan satu bel Harì Dabid na sut kenen di banwe Bétléhém di gumnè Dabid?”

⁴³Taman masgalel fandam i dad to gablà ku Dyisas.

⁴⁴Nun dademe mayè kamfè ku Dyisas, bay landè di dale magot kenen.

⁴⁵Na samfulê dad gal munung i gumangamfù fan kamfè ku Dyisas. Na smalek i dad ulu i dad bà di Dwata na dad Farisi i mdek dale, manla, “Kan ku làyu nebe kenen dini?”

⁴⁶Na tmimel i dad munung, manla, “I duenan du landè fa lmen tamdò salngad i to ani!”

⁴⁷Na man i dad Farisi di dale, “Balù fa gamu kè gaganan fangaw?

⁴⁸Nun kè gadèyu to mdà di dad ganlal i dad Dyu ku demen dad Farisi faglut di kenen?

⁴⁹Landè sa! Alò dad to là gmadè i flalò blé Dwata fagu di ku Mosis i faglut di kenen, na fanlayam ale Dwata kadang.”

⁵⁰Kabay Nikodimus, i to salu di ku Dyisas di gutngà butang, lê kenen satu di dad ganlal ani, na manan di dademen,

⁵¹“Kabay man i flalò blé di gito, silang fakay nukum i satu to ku talingeito i manan du fye gadeito i mgimoan.”