Johaanas 7:41-51

⁴¹Aur koi koi bolies: „Ie aadmie Kriest hai.” Bakie ekwan bolies: „Na. Kriest thoro Gaalielea diehaat se aaiga?

⁴²Parmeswar ke poestak me liekhal hai kie Kriest raadja Daawied ke aulaad me se aaiga, aur Betlehem sahar me paida hoiga djaaha Daawied rahat raha.”

⁴³Aisane manai log me Jiesoe ke biese me ekta na raha.

⁴⁴Aur oelog me se koetjh log maangat raha oke pakare, bakie koi na karies.

⁴⁵Tab Parmeswar ke mahal ke siepaahie logan Fariesie logan aur barka agwan ke paas lautke gail. Tab oesabhan poetjhies: „Toelog oke na pakarle?”

⁴⁶Tab siepaahie log bolies: „Hamlog aisan biesaal baat kabhie na soenlie!”

⁴⁷Tab Fariesie logan bolies: „Ka, oe toelogke moerie bhie biegaar deis hai?

⁴⁸Toelog djaane hai kie ekko dharam ke barkwa kie to Fariesie okare me na bieswaas kare hai.

⁴⁹Khaalie bhoettjar djhoend logan kare hai. Oesab Parmeswar ke kaanoen na djaane hai aur Parmeswar ke saraap oesabke oeppar hai.”

⁵⁰Fariesie log me ek Niekodemas naam ke aadmie raha. Oe ek rodj Jiesoe ke paas gail raha ose batiaai khaatien.

⁵¹Ab oe bolies kie: „Parmeswar ke kaanoen me liekhal hai kie hamlogke na tjaahie begar khodj kare ek doesar ke kasoer dewe ke.”