Yohani 7:41-51

⁴¹Vamu vadeta, “Ayu ndi Kilistu!” Lakini vamu vayidasha, “Yingaweshili wuli wuli Kilistu afumi Galilaya?

⁴²Mayandiku Vang'alili vadeta ng'odu kucha Kilistu dawoneki kufuma mulukolu lwa Mutwa Dawudi na mumbwani ya Betelehemu?”

⁴³Topi vandu vakulekanila mula mulipinga kwanongwa ya Yesu.

⁴⁴Vandu vamu vadayilagha kumuwopa, lakini kwa hela mundu yayeshili kumkamula.

⁴⁵Pambeli vala machonda vawuya kwa Vatambika vakomi pamu na Mafwalisayu, veni vavadasha machonda, “Nongwa liki Yesu mumuyegha ng'odu?”

⁴⁶Vamachonda vayangula, “Kwahela mundu yawesha kulonga kucha ayu yavalonga!”

⁴⁷Mafwalisayu vavadasha, “Wuli na yumwi wuwowu mujangiwa?”

⁴⁸“Ghani pagati ya vakomi vetu awu Mafwalisayu yamujumilili?

⁴⁹Lakini lipinga lyosi ali lya vandu vangajila kumanya Malawu va Chapanga vamupili Musa, lilapiwa.”

⁵⁰Nikodemu, yula yamyendileyi Yesu paulongolu, avelili yumu wa Mafwalisayu avelili bahala. Kavawombela,

⁵¹“Kulingana na Malawu, tukuwesha ha kumuhigha mundu ngajila kumupikanisha tanila na kumanya fila fyagolili.”