Gwa 7:41-51

⁴¹Pimrine wane china, “Kristokni wa Tye.” Pimrine wane china, “¿Kalilege ruyakatini Kristo? Gike.

⁴²¿Gi ge wanekni china yonchi wa Tawiklopisha, Wetle Pokchirge, Tawi gwanatyawaka, wane ruyakatinripa Kristo?”

⁴³Giyagni wannakakluko kotspalanshinikankakna gixolune Geso chinanuya.

⁴⁴Wa pimrine galuka kashretlu, seyni gikena gomyokyegitlu.

⁴⁵Giyagni towrechine gapyegitna tsrukakalune sasertotene ga wa Gwariseyone. Wane chinkana towrechine, “¿Klu chinanu gi ganiklu?”

⁴⁶Wa towrechine gigita, “Gi pagogneko Wale pixka rixa ginkakleta satu yineru tye jeji pixka.”

⁴⁷Giyagni wa Gwariseyone gigitna. Wane chinkana, “¿Gixkoxnirge yokwitkanatka?

⁴⁸¿Ralixluge satu tsrukakalu, ga wa satu Gwariseyo? Gi ralixluna.

⁴⁹Seyni wa nyi gixolune, Tokanchi Yokanatkaluru mumatkane, kamakpiratkalunni.”

⁵⁰Wane chinna Nikotemo (Goyechno yayentapjeru. Walenwa Gwariseyone satute).

⁵¹“Tokanchi Yokanatkaluru wixanu gi giklukanuwnayegjixlu yineru ma muchinanu jempiranyegitkanuwalu, rumatikolupa wale kamrutanru.”