لُكِ 19:4-12

⁴نَ كُي، عَ نَشَ عَ فِ يَرٍ، عَ سَ تٍ وُرِ بِلِ كْن نَ عَلَكٌ عَ شَ عِسَ تٌ دَنفِ رَ.

⁵عِسَ تٌ عَ يِرٍ لِ، عَ نَشَ عَ يَ رَتٍ، عَ عَ قَلَ عَ بّ، «سَكّيّ، فٌرٌ مَقُرٍن، بَرِ مَ ﭑ سَ يِفِيَمَ عِ شْنيِ نّ تٌ.»

⁶سَكّيّ نَشَ عَ شُلُن فٌرٌدٍ، عَ عِسَ رَ سّنّ حّلّشِنيِ كُي.

⁷مِشِيٍ تٌ نَ تٌ، عٍ بِرِن نَشَ سٌ عِسَ مَقَلَقٍ، عٍ نُ عَ قَلَ، «عَ بَرَ سَ يِفِيَ يُنُبِتْي شْنيِ.»

⁸كْنْ سَكّيّ نَشَ تِ، عَ عَ قَلَ عِسَ بّ، «مَرِفِ، ﭑ بَرَ نَتّ تٌنفٌ، ﭑ شَ ﭑ سْتْسٍ تَفِ قِمَ نّ قُشَرِلَيٍ مَ. شَ عَ سَ لِ ﭑ بَرَ سٍ بَ نَشَن يِ قُنمَيَ رَ، ﭑ عَ رَفبِلٍنمَ نّ عَ كَنيِ مَ دْشْ نَانِ.»

⁹عِسَ قَن نَشَ عَ مَسٍن عَ شَ قٍ رَ، «يِ قْشْي بَرَ كِسِ سْتْ تٌ، بَرِ مَ عِبُرَهِمَ شَ دِ نَن نَ يِ شّمّ قَن نَ.

¹⁰عَدَ مَ شَ دِ بَرَ قَ عَ شَ مِشِ لْيشِيٍ قٍن، عَ شَ عٍ رَكِسِ.»

¹¹عِسَ تٌ نُ بَرَ مَكْرّ دَرِ سَلَمُ رَ، حَمَ حْشْ نُ عَ مَ، عَ عَلَ شَ مَنفّيَ نِينِ قَقٍ مَكّنّندٍ نّ كٍرٍن نَ. نَ كُي، مِشِيٍ تٌ نُ عِسَ شُي رَ مّقٍ، عَ نَشَ يِ تَالِ وْيّنيِ مَسٍن عٍ بّ.

¹²«كُنتِفِ ندٍ نَشَ سَ بِيَاسِ يِرٍ مَكُيٍ، عَلَكٌ مَنفّ شُنفبٍ نَشَن نُ سَبَتِشِ نَا، عَ شَ عَ تَن كُنتِفِ شْنيِ مَنفّيَ سٌ عَ يِ، عَ مَن شَ فبِلٍن عَ شْنيِ.