San Lucas 19:4-12

⁴Suasne usne an ñancha ãĩn ɨra, Jesús sun miwara pɨntu akwa. Suasne usne Jesústa izna tɨra nut kit uzta.

⁵Jesúsne us tukin pianat kit ussa izak kit kaizta: —Zaqueo. Azain kihshti. Mane nane nukasa up yalta nukkulnash, kizta.

⁶Suasne Zaqueone azain tɨras kihsh kit wat kul kit ussa paiña yalta mɨlta.

⁷Wan awa sunta izarawane, uspane usparuzpain Jesúspa kwail kizat kit ka kaizara: —Jesúsne kwail kimtuzkasa yalta nap kit nukkultu, kizara.

⁸Kwiztane Zaqueone awaruzpa paizkakin kun kit Anpatta kaizta: —Anpat, izti. Ap kwail kit aizpa min kit chɨhkat akwa, nane kakwa mɨj aizpa puizara mɨlanamtus. Na mamaztuztas an pɨnta saptane, na walkwat aizpa ampara pijikima kailninnanash.

⁹Jesúsne ussa kaizta: —Mane Diosne nuakas up kwaltakas u kwail kiarɨt aizpa wat kulnat kit uruza watsat mɨlnara. Une aukanain mama au pampa Abrahampa kwal mai.

¹⁰Chiyuras ampune apain azi, awa karɨttuza sainana, uspa kwail kiarɨt aizpa wat kulninnana.

¹¹Uspa sunta mɨamtuasmin, Jesúsne mamaz kamtam kwinta kaiznamɨzta. Usne Jerusalén pɨpulura kasha tuazi. Uspane Dios awaruza ɨninna anpain minñara.

¹²Katmizna Jesúsne kaiznara: “Ainki mikwane attish sura ɨmɨzta, akkwan su sap kit akkwan awaruza ɨninna. Suasne mamaz payura kailshina. Kwizta sun sura saptawane, paiña su kailshina.