San Lujc 19:4-12

⁴Zeel ruxüünman gunedaman, abiꞌ din chileꞌ guguiaaman Jesús, wëꞌpaman loj tijb yagroꞌ zojb gajxh lod tëd Jesús.

⁵Chi gudëd Jesús yagaj, gules lojman abiꞌ rëbaman lojman: ―Zaqueo, cari baguiajt, din yandxej na̱j yayaꞌnan lidxil.

⁶Dxel cari daꞌt baguiajt Zaqueo, abiꞌ dád rabaaman zignëman Jesús.

⁷Chi baguiaa ree bejn zian, gra reeman guzuloj caneeguijdx Jesús rëb reeman zigyaꞌnman lidx tijb béndol.

⁸Dxel guzuli Zaqueo, abiꞌ rëbaman loj Jesús: ―Dad, gaguiꞌs garol ni raꞌpan loj ree bénprob. Abiꞌ bal yuꞌ bén baquijxan mazri guial loj ni na̱j quixaman, yayünan tajp volt mazri guial loj ni gulaanan.

⁹Dxel rëb Jesús lojman: ―Yandxej ma been Dios perdon gra ree bén zojb lidx Zaqueo guial rliladxaman Dios ziꞌcgajc Abraham.

¹⁰Din Bén guxhaal Dios zëëdaman zidgadiilaman bén ad zët ree loj xnejz Dios din laa reeman loj xcasti Dios.

¹¹Bén cucaagdiajg ree ni canee Jesús, beman tijb cwent loj reeman guial ma zë reeman gajxh Jerusalén abiꞌ laa reeman naladx reeman guial hor guin guidxin xguialrniabee Dios.

¹²Dxel rëbaman loj reeman: ―Guyu tijb bejn, zëëdaman loj tijb famil zojbloj. Zëman zijt lod tiaꞌman guialrniabee din gacaman rey dxel yayejcaman nabee ladxaman.