Lukas 19:4-12

⁴Elele iiṯa amunu Jesus Nug ib amup̱a uḏiṯe doyom amunu nug qaibaḏ anuqa uḵa, Jesus anidḵunu ha, ad sikimon laa teum.

⁵Amu Jesus Nug uḵa uḵa, Sakeus dayomp̱a ta, baeg ya dayaya, ameg huma aṯan neeḵa, nug amegp̱a aum. “Sakeus na paha ne! Gemu da na lautp̱a daaḵul,” awa aum.

⁶Nug anam aum amunu Sakeus nug oo gamag ahe, paha honap na, Jesus omale nug laugp̱a gopiḏ.

⁷Am Jesus Nug Sakeus laugp̱a goya daaeheh, danab oh ag amu anidna, ag aḵa naituḏ maṯin Jesusnu ap̱ig. “Nug uḵa, hip̱unin danab umu laugp̱a ḏo danab daaḵunu teum,” aon ap̱ig.

⁸Aria Sakeus aha hibaiṯa, Jesus amegp̱a aum. “Naḏi, gemu da dahil keeke oh amu gamagp̱anab op̱aten, laih awe, daḏek danab madaḵul. Amu da danab laa ham bup̱uiṯen, nuhig keeke yab aomi dayeb amu aria da amu eḏuen, nob amu tuḏiṯen, ewam laa ele nug medaḵul,” awa aum.

⁹Anam a, Jesus Nug Sakeus amegp̱a aum. “Gemu Kayak Nug lag imup̱anu danab ah eḏua diiom. Danab imu ele amu nug Abraham beḵa,” awa aum.

¹⁰Anam anana, Nug nai tuḏiṯa aum. “Danab Beḵalag da amu da danab ag padal mep̱ig daaṯeb ele, da ag eḏuen diiadḵulnu uḏimi,” awa aum.

¹¹Jesus Nug Sakaeus laugp̱a dayaya, nai amu maṯie doyeg, Nug Jerusalem guguiṯa dayeye, danab ah ag, “Kayaknu ḏo maḏoḏ am geha iiḵu miag atiḵu,” dab menan doop̱ig amunu ag anam dab memananu, Jesus amu Nug nai tuḏiṯa, keeke danab ag dooṯeb ii dooṯeb ele amu ou aqata, ip̱uanaṯa, inam maṯiom.

¹²Nug maṯia aum. “Wan laap̱an gumak danab laa nug aha, wan laap̱a uma uḵeb, geha ag nug ahilag oḵai daaḵunu mep̱eg, dimp̱a amu nug eḏua uḏia, uḏat aḏit amu oh heḵunu dab meum.