Yosuwe 10:12-16

¹²Kɔ Yosuwe oloku Kanu Kəpɔŋ dɔsɔk ndɛ kənalɛk aka Amɔr kəbɛr aka Yisrayel dəwaca mɔ, k'oloku aka Yisrayel fɔr kiriŋ: «Məna Dec, məcəmbərəs Kabayɔŋ! Kɔ məna Ŋof, məcəmbərəs nde aranta ŋa Ayalon!»

¹³Kɔ dec dɛŋcəmɛ tofo tin kɔm dacɔ kɔ dɛfati kəkɔt kəlɔtəs ka dɔsɔk din cam-cam, kɔ ŋof ŋi sɔ ŋɛcəmɛ haŋ tɛm ntɛ aka atɔf ŋa Yisrayel ŋanalip kəluksɛ aterɛnɛ aŋan ayɛk mɔ. Aŋcic fɛ ti nde Buk ba Wəlompu ba?

¹⁴Dɔsɔk dɛntayi fɛ pəmɔ dɔsɔk dadɔkɔ, tɔcɔkɔ-cɔkɔ tɛlpəs tɛnayi. Kanu Kəpɔŋ kənacəŋkəl dim da fum, bawo Kanu Kəpɔŋ Yisrayel ŋɔ kəŋc-sutnɛnɛ dɔsɔk dadɔkɔ.

¹⁵Yosuwe kɔ aka Yisrayel fəp ŋalukus dɔsɔk dadɔkɔ nde saŋka sa Kilkal.

¹⁶Kɔ abɛ aŋɛ kəcamət ŋayɛksɛ kɔ ŋaŋkɔ ŋagbɔpnɛ dətɔgbɔkɛnɛ nde Makeda.