12मिनु परमप्रभु यावेमी एमोरी आन कली इस्राएली आन गुइमी गेशो नाक्ती यहोसुमी परमप्रभु यावे कली इस्राएली नेल्ल आन ङोंइती “नां, गे गिबोन तारी नांइसो। तास्ला, आइयालोन बेंसी तारी नाइश्शा बाक्को” देंत।
13मिनु यहोसुमी मेको आन कली क्येक्क मलेत्ता सम्म नां नु तास्ला नांइसाक्स। मेको लोव़ याशार ङा किताबमी यो ब्रेक्सीशो बाक्ब। मिनु नां सरीङ आ दातेमी नांइसाक्व। मिनु नां मेको नाक्त का मपेरस।
14मोदेंशो ङोंइती नु नोले गेनायो मदुम्शो बाक्त। मारदे हना परमप्रभु यावेमी मुर आ लोव़ नेंशा, इस्राएली आन पर्बम लडाइ पाप्तु।
15मिनु नोले यहोसु नु इस्राएली नेल्ल आंम बाक्तीके गिल्गाल लेत्तेक्म।
16मिनु मेको ५ जना पिपपुकी चहिं प्रोक्शा, माकेदा ङा पुक्खीमी ख्रुंइसाक्म।