19Piɛri nɛ̀ Isɑ̃ɑ̃ kɛ̀ bɛ̀ɛ bɛ̀ tɛ̃̀ńnɛ́ kɛ dɔ̀: Wéntɛ́nɛ̀ di mɔ́mmɔmbɛ Kuyie nyììkɛ̀ nsɑ kɛ̀ dɛ̀ wenni, ti bo yiemmɛ̀ díì kpɛti kɛ́yetɛ Kuyie nkpɛti.
20Tínti bɑ́ɑ́ nɑ kɛ í mbɛ́i ti yɑ̀ dɛ̀ nɛ̀ ti kèè tì.
21Kɛ̀ bɛbeémbɛ̀ɛ wɛ̃tɛ kɛ́ bɛ̀ yùní bɛ̀ í nyɑ̀ bɛ̀ bo yĩ́mɛ̀ kɛ́ bɛ̀ puotí, kɛ yóu, kɛ́ bɛ̀ kpɑnnɛ̀, kɛ́ bɛ̀ fĩ́ĩnko, kɛ yɛ̃́ bɛnìtìbɛ̀ bɛmɔu do sɑ̃ntímɛ̀ Kuyie nnɛ̀ dɛ̀ɛ̀ dɔ̀ɔ̀ dɛ kpɛ́í.
22Kɛ yɛ̃́ kuhɔ̀ùkù bɛ̀ miɛkùnnɛ kù bie do pɛ̃ɛ̃tɛ́mɛ̀ sipísìnɑ̀ɑ̀.
23Bɛ̀ fĩ́ĩ ndìì mɔ̀nnì Piɛri nɛ̀ Isɑ̃ɑ̃ kɛ̀ bɛ̀ pɑ̃̀nkɛɛ kɔtɛ bɛ kɔbɛ borɛ̀, kɛ́ bɛ̀ nɑ̀kɛ́ ikuɔ́ nìùbɛ̀ kó bɛkótíbɛ̀ nɛ̀ bɛkótíbɛ̀ bɛ̀ bɛ̀ nɑ̀kɛ́ tì.
24Bɛ̀ tì kèè dìì mɔ̀nnì kɛ́wɛ̃nnɛ́ kɛ́bɑ́ntɛ̀ Kuyie nkɛ dɔ̀: Ti Yiɛ̀ nfɔ̃́ nwèè dɔ̀ɔ̀ kɛtenkɛ̀ nɛ̀ kɛĩ́nkɛ̀ nɛ̀ dɑ̀mɛ́ɛ̀rì nɛ̀ dɛ̀ɛ̀ kó dimɑ̀ɑ̀ bo o miɛkɛ.
25Fɔ̃́ɔ̃̀ do duɔ́ Muyɑɑ́nsɑ̀ɑ̀mù ti yɑ̀ɑ̀rì Dɑfiti ɑ kóo tɔ̃ntì kòo bɛ́i nkɛ dɔ̀: Bɑ nte kɛ̀ ibotí miɛkɛ cɔ́u? Bɑ nte kɛ̀ yɛbotɛ̀ dɑ̀kii mɛyɛi nkpɛ́í ndɛtetìrɛ̀?
26Kɛ̀ kutenkù yɛmbɛ̀ bɑɑti dikpɑ̀nnì, kɛ̀ sikpɑ̀ɑ̀tìbìí wɛ̃nnɛ́ kɛ kpɑnnɛ̀ Kuyie nnɛ̀ kù tɑ̃ɑ̃tɛ́ wè.