Itendwa 4:19-26

¹⁹Nambu Petulo na Yohana ngabajanga, “Mmanyanga mmene mangweto chikipaligwa ku Nnoongo kunnyali mangweto andaje kunnyali Nnoongo.

²⁰Gambu twe tuotwaje kotoka kulenga minhalo jaje ejitujibweni nu kujijoa.”

²¹Penia, akanahota ba Libalacha ngabakalapila, kuboka penia ngabalekekeya. Bahukumwije, magambu bandu boa bakiba bakankoleya Nnoongo magambu ga nhwalo gwenio.

²²Mundu jwenio ojwatendigwa kikobo chu kulamiigwa akiba na yaka alubaini.

²³Kingobutu Petulo na Yohana kuboka pa kulekekigwa ngababuja kwa akajabe, ngabalenge gaga agalengigwe na akakung'i akolongwa na akinanhota.

²⁴Apabujoa nhwalo gwenio, boa ngababe lyabe limwe kukunnyopa Nnoongo bakalenga, “Angwana, mwe mampangine mbengu na dunia na baali na yoa eibi mwenio!

²⁵Ngamammeka mpakachi jwinu, nhwoko gwito Daudi, alenge kwa makakala ga Uhuke jwa Chwapi. ‘Kwa nike bandu banga Akayahudi bachimwanga, Mboni bandu bakamwa ganga mbone?

²⁶Akangwana ba padunia ngibikibeka maha, na akakolongwa ngabakongana pamwe ibe bakanange Angwana na Kilisto Nkomboi ojwapambuligwe na Nnoongo jwakwe.’