Ghamatendo 4:19-26

¹⁹Lekeni Petiri na Yohane wawedika, “Mlamle mwemwe muwenyegho, chihi ichinoghile kwe Imulungu, kuwahulikitsa mwemwe au kumuhulikitsa Imulungu.

²⁰Kwaapfila ng'atudaha bae kuleka kulonga aghala ghatwonile na ghatuhulike.”

²¹Kuya iwabala awo wa libaratsa wawakanya ghendo na kuwalekelela. Ng'awadahile bae kuweng'a atsabu kwaapfila iwanu wose wakala womtunitsa Imulungu kwa achila ichilawile.

²²Imunu ayo iyahonetsighwe tsakakala imbala wa kubita miyaka alubaini.

²³Bahala Petiri na Yohane hawalekilighwe, woya kwa weyawo, wawalongela achila chawalongelighwe ne iwatambika wakulu ne iwabala.

²⁴Nawo hawahulike imbuli ayo wamlomba Imulungu kwa ghumoyo ghumwe. “Imtwatsa, ghweghwe kwa Maumba yulumbile kulanga na iisi, ne ibahali na pfose ipfili mumo!

²⁵Tsakulonga kwa Ghumuhe Mwenzeluka kubitila kwa imtumighwa wako, aba wetu Daudi, ‘Ebali wanu wali muisi waghudubuka? Mbona iwanu wokwalangula ipfinu ipfilihela mana?

²⁶Iwandewa we iisi weyandaa, ne iwatawala watingana hamwe, kumpinga Imtwatsa na Kiristu wake.’