Gehegehedira 4:19-26

¹⁹Ma Peter ma John toro bosa tughu vanira, “Ighau heghemiu kau vilia. ?Ivei va te uto tana matana God, na taoniamiu ighau pana taoniana God?

²⁰Mi roghai koro mua tangomana na nia beto na nia kokoe na hava toro righia moro rongovia.”

²¹Ma gaira na ovu ni dete tara hove pungisira vaho ge ra lubatioli tatavahalera, ma gaira tara ghilalaa te vahola ge kara detera, na pukuna na lei tinoni tara holoutoa nia God na hava toro gonia.

²²Mana tinoni eni itatana tara righia na butuli, te vulea vati hangavulu matapono na niuluna.

²³Tana bona vaghana tara lubati tatavahalera Peter ma John, moro pulohi moro bosa vanira na ovu nia na hava tara bosai vanira rana lei manesukaghi kamanagho mana lei mane nagho.

²⁴Tana bona rana taluutuni tara rongovia, gaira tara mai sakai sonikolu ni kokoeliulivuti vania God, mara ghaghua, “Lord, to gonighi na kokou mana pari mana tahi mana lei totobo soko ilokani.

²⁵Nia na Tarunga Tabu te bosa tatea vania kukuamami na vunaghi haba David nimua na tinoni lutu, ge bosa me ghaghua, ?E ghua rana mua Jew ge ra rutu papara? ?Ivei tea rana mua Jew ge ra gonidila ni gehegehe dika?

²⁶Na lei vunaghi haba ni maramana tara gonidila heghedira ge kara veilaulabui, mana lei tinoni huhuli tara savukolu ni hughuhughuana God ma nina Messiah.”