Uyuhana 1:10-47

¹⁰Maa ra anyimo unee me, unee me wa cukuno atari ti meme vat anime unee me waa rusi in me ba.

¹¹Maa eh ahira anu meme, anu ameme wa nyare me.

¹²Vat ibinani andesa waa kabi me, andesa wahemi in niza ni meme maa nya we nikara wa cukuno ahana Asere.

¹³Ande besa ayoo inzo a maye ba nani usuro unipum nani unubu, usuro Asere ani.

¹⁴Nigburang niginome na cukuno nipum. Anyimo aru ta ira ni nonzo nimeme, ninonzo ni vana u inde ugino me ahira acoo umeme, gbem ini mum iriri nan kadure.

¹⁵Yuhana maa bezi uni tisa in nikara magu, “Unu ugeme me mani maa buki tize anice nimeme unu guna, 'Desa ma ehze adumo am ma tekum, barki maa rani aje am.”'

¹⁶Barki umyinca umeme taa kabi imum iriri aseser imum iriri.

¹⁷Barki u inko utize atari ti Musa a nya tini urunta nan kadure. ka ciki ahira a Yeso vana Asere cas.

¹⁸Daki a iri uganiya sa uye ma iri Asere ba. Vana u inde Asere me, me sa ma hibi abigiri ba acoo, me mani maa bezi me.

¹⁹Yahaya ma beziwe imumbe samarusa, ine ini ayahudawa watumi ahira ana katuma kudege. Ugomo Asere nannan lawiya uhana urshalima wa ikime nani memani aveni.

²⁰Manno mabuki kadura, daki mawuzi matara nan weba ma; azomemani ugomo asere ba.

²¹Wanna wa ikime wagun me aneni homami iliya me? makabirkawe, “A'a azomemaniba.” Wanno wagunme hamani unu beze tizeme? Manno magunwe, A; a”.

²²Wanno wakuri wa ikime hu aveni barki tikem ukabirka uweme barki tirusi imumbe satidi kabuka andesa tumanduru? Utisa nicce agi aveni?

²³Makabirka we magun mi nigmirangnige sa nitisa anija'a nigusa nyani ugomo asere muriba mushime gusi imumbe sa Ishaya mazinnu boo me.”

²⁴We me, Afarisiyawa wani watumi we.

²⁵Wanno wa ikime barki nyanini uzorsanu azohu ugomo asere mani ba a zohu iliya mani ba hume unu bezizzi kadura kagino me?

²⁶Yahaya makabirka we, magunwe me in gei mani in zorso anabon, uye maluri anyimo ashime sa iteshi me.

²⁷Memani ma-eze adumo umunu be sa binyimo bakpatak ameme daki mabari in suso ini ma ba.

²⁸Awuzi anime ubatanya uni uhuru uraba u urdu uni, ahira sa yahaya ma zorso anabon.

²⁹Unu sana-ahira yahaya ma iri yeso ma eze ahira ameme, yahaya magu,”yaira mi vana ubitan bu gomo asere, desa madi ziki madini munee.

³⁰Anime ani mabukishi uye ma eze adumo am, memani unaje am barki dati marani aminiba.

³¹Dati maruseme ba me abezeme ayumu isaraila ma-ah ma zorsanu in maye.

³²Yahaya kaberka magu ma-ira bibewu bezennu tuzo. Kase kuhurge ka sure a zesare ku cukuno ane gerza numeme.

³³Dati maruseme ba, memani dese matumum in zorso anu in mayi, memani ma bukum dese ma ira bibew ba asere batu bikure bicukunu aneeh numeme memani. Ma zorsa anabu in bibew ba asere.

³⁴Makure ire in kure beze, unu uginome vana asere mane.

³⁵Unu sana ahirs yahaya ma lure nan na nakatuma ana ware.

³⁶Mazen nuhira yeso mazen tanu manno magu irane vana ubetam baasere!”

³⁷Ahana akztumame ana ware sa wakunna ma rezo adeze, wanno wadusa wa tarse yeso.

³⁸Yeso magamirka ma iri wazinnu tarsa ume, manno maunwe, “Nyanini izin nu nyarame? Wanno wagun me, hu unu urusa abanga abanname unu unyenkike uciki abanie.

³⁹Manno magun wae ayeni, i'iri.” Wanno waha waka ira ahira me sa machikin, wanno wahirii negome uhana azumo anazi unu wunjoro.

⁴⁰Unu idai ayumo ana wareme sa wakunna tize ti yahaya wanno wa kuri wa tarzi yeso, andarawas mani mazi uhenu u bitrus.

⁴¹Maubi ma uhenu umeme sa bitrus, takem Asere, “Memani asere ma hummaka maturi me.

⁴²Manno mahan me ahira Ayeso, Yeso ma iri me, magun me hamani saminu vana u yahaya? adi tesawe kefas.” (ni neni bitrus).

⁴³Sa ahira asana yeso mahiri udusa a manyanga mu galili, abini me ani makem Filibus magun me ano tarsam.

⁴⁴Filibus unanu betsaida mani nepeni numeme nan andarawas, nan bitrus.

⁴⁵Filibus ma kemnata-ala, magumme ta kem dey sa musa ma nyatike abanga ameme anyimo aka dura be sa ugomo. Asere ma inki men, ana kadura ka asere wa kuri wa nyentika abanga ameme, memani yeso una anu nazere, vana u yusufu.

⁴⁶Nata ala magunme ade kem imum ihuma unazarat me filibus magun me aye u'iri.

⁴⁷Yeso ma-iri nata-ala ma eze ahira ameme, magu ina nu ana ira'a ni, unu u isara-ile nun ukadura, de besa mazo me ini mum izenze a puru ameme.