Sabóor 39:7-13

⁷Nit du lu moy takkndeer buy dem, cóolóolu neen lay kër-këri. Nit a ngi dajale, xamul kuy for.

⁸«Éy Boroom bi, lu may xaarati? Sama yaakaar yaw a.

⁹Musal ma ci sama mbugali tooñoo tooñ, bu ma bàyyi, dof di ma reetaan!

¹⁰Noppi naa, dootuma wax, yaw yaa dogal lii.

¹¹Waaye ngalla teggil sab yar, sa diisaayu loxoo ngi may jekkli.

¹²Yaay mbugal ku bàkkaar, yar ko, ronq ni max la mu gëna fonk. Nitoo nit, cóolóolu neen. Selaw.

¹³Éy Aji Sax ji, déglul, ma ñaan la, teewlul, ma woo la wall; bul tanqamlu sama yuux, doxandéem doŋŋ laa fi yaw, di gan ni maam yépp.