7“परमप्रभु, गो मार कली रिम्ना रिम्न बाक्नुङा? गो इन लां ला कोव़शा बाक्नुङ।
8आं मरिम्शो पशो रे प्रोंइयीनी। मूर्खपुकीम आं कली शुक्शी मपामेक्ल।
9गो सिक्सी पा बाक्शा मब्वाक्ङ। मारदे हना गे मो पपाइक्तीनी।
10इन याम पाइश्शो लेत्तीन। गो इन तुप्शोमी जाम्शा लाइब दुम्ती।
11गे मुर आन कली पाप पशो आ पर्बम तुप्तीनी। आ दाक्शो तुाम्बुम वा नेक्शो खोदेंशो पा जाम्शा लाइब। थमा पा मुर नेल्ले आन ब्रोंइतीक जाम्शा लाइब फश खोदेंशो बाक्नीम। ठेयब सेंदा पा।
12परमप्रभु यावे, आं पुंइशो लोव़ नेनीन। आं वाइ ब्रेश्शो नेनीन। आं ङाक्शो तशा, वारच पाइय्यीनी। मारदे हना गो इन ङोंइती आं किकी पिप खोदेंशो पा, रागी ङा पौना खोदेंशो बाक्नुङ। भजन संग्रह ११९:१९; लेवी २५:२३; १ पत्रुस २:११; हिब्रू ११:१३
13आं बेक्चा ङोंइती आं पर्बम गाइक्चा प्रोनीन। मिनु गो लेंशा ग्येरशा बाक्चा तङल” दे पुंइता।