SAM 39:7-13

⁷Siwan ngana Buyambam tapa, na apmanu sanga mina bingae kayuat? Wena. Na baniu gae sike gata gatangamiakgekan yuat.

⁸Gata na gatuka take waiakngana kuupbam sandekngamuyo. Sike gata yamandotdong tasikaing aminu dua kapewi na sapdut wamu naniwam.

⁹Siwan ngana na wamu dua yawit. Na gena asiknga umumbit. Dasingge, gika siknga meya aknga nae namukyak.

¹⁰Sike na gatuka ma tasiwi maiwam. Gata meya unzing nami na paa kumbum.

¹¹Aminu wai tasikaingge gata kaanga yanike meya yake ayamunggayak. Siwan gata sangasanga kwaapzangge take nataaingu gata apasiwi sopukaing. Unzing gwakgwakga tauk san napan wai singgak binga. Siakan siknga. Aminu kuupbamu waung kaknga genaneta puyapan akokunggak binga sikaing.

¹²Buyambam tapa, natane tumuk wamae natapso. Na gata gatangamiyakge natake gae ganiwa maak gwaang pangamuyo. Sike nata gae ganiwawa maakga ma umumbim. Ga atnataayak. Na keu andakane gaat tapduu opak siknga yuamak ngana na aminu maa tapatu binga yuke kungapunggat. Sike na bapunata yuking binga. Iaya keu andakane tapduu dapaknga sikngakan yuking.

¹³Nae meya kumzang ma namim. Gata na atnandutewi musip gwaangu gatu natapit. Siwana na gatukande masande kungwake keu andaka gatukande tewit.