Sabóor 27:3-14

³Bu gàngoor booloo sama kaw, duma raf. Ab xare jib, ma ànd ak Yàlla.

⁴Lenn laa ñaan Aji Sax ji, lii laay sàkku: dëkk kër Aji Sax ji, sama giiru dund, di niir taaru Aji Sax ji, te yéemoo këram.

⁵Bésub ay, mu yiire ma mbaaram, làq ma, ma làqoo xaymaam, aj ma ciw doj, ma raw.

⁶Ma doxe fa siggi, tiim noon yi ma wër, di sarxali fa xaymaam saraxi sarxolle. Naa woyal Aji Sax ji, joobe ko.

⁷Éy Aji Sax ji, déglul, ma woote! Ngalla baaxe ma, nangul ma.

⁸Yaw la sam xel ne ma, ma sàkku la, te it yaw Aji Sax ji laay sàkku.

⁹Sang bi, bu ma làqu, bul mer, jañax ma. Yaa ma daa wallu. Bu ma wacc, bu ma ba, yaay Yàlla mi may musal.

¹⁰Ndey ak baay man nañu maa wacc, Aji Sax ji fat ma.

¹¹Éy Aji Sax ji, joxoñ ma saw yoon, jaarale ma joor gu wóor, ngir ñi may tëru.

¹²Bu ma baye bànneexu noon. Seedey naaféq a ma jógal, di sos fitna.

¹³Maay dajeek ngëneelu Aji Sax ji fi kaw suuf sii. Lii wóor na ma.

¹⁴Yaakaaral Aji Sax ji, dëgërlul te amu fit, te yaakaarati Aji Sax ji.