Yontu 27:3-14

³Pɑɑ yoolɑɑ tɑmɑ-m kotɑɣɑ sɔɣɔntʋ fɛɩ-m. Pɑɑ pɑ sʋʋ-m yoonɑʋ mɑ wɛnɑ Ɩsɔ kɛ́ nɑɑni.

⁴Kʋlʋmtʋ kɛ mɑ sələməɣɩ Tɑcɑɑ nɑ mɑ́ səkɩ tə tɔɔ. Pə wɛɛ sɩ mɑ́ cɑɣɑ nyɑ́ təyɑɣɑ tɑɑ kɛ́ hɑlənɑ mɑ səm, nɑ mɑ́ sɑ kɑ teu nɑ mɑ́ yɔɔlənɑ Ɩsɔ wɛɛʋ.

⁵Nɑ ń ŋmɛsɩ-m nyɑ́ təyɑɣɑ tɑɑ, nɑ ń kenti mɑ tɔɔ kɛ́ wɑhɑlɑ wɑɑtʋ. Nɑ ń sɩɩ-m kʋkpɑmʋɣʋ tɔɔ sɩ pʋlʋ ɩ́ tɑɑ hiki-m.

⁶Wɑɑtʋ ɩnəɣɩ mɑɑ kəlɩ mɑ kolontunɑɑ mpɑ pɑ cɔɔnɑ-m tɔ, nɑ mɑ́ sɑ-ŋ nyɑ́ təyɑɣɑ tɑɑ nɑ mɑ́ lɑ-ŋ kɔtɑsɩ, nɑ mɑ́ yoo-ŋ yontu nɑ mɑ́ tɑlɑ-ŋ.

⁷Tɑcɑɑ nyənɩ mɑ pətɔɔtəlɛ, nɑ ń nɩɩ sɑɑ wei mɑ yɑɑkɩ-ŋ tɔ.

⁸Mɑ tɔɔsɑ nti n sɩɩwɑ sɩ mɑ́ kɛɛsənɑ nyɑ́ tɔɔ tɔ. Tɑcɑɑ pə tɔɔ kɛ́ mɑ kɛɛsəɣənɑ nyɑ́ tɔɔ.

⁹Ɩsɔ nyɑ́ wɑɑsəɣənɑ-m. Tɑɑ hɑ nyɑ́ sɛɛlʋ mɑɣɑ siɣile yɑɑ ń lɔ-m nɑ pɑ́ɑ́nɑ́.

¹⁰Pɑɑ mɑ too nɑ mɑ cɑɑ pɑ lɔ-m, Tɑcɑɑ, nyɑ́ mʋɣʋnɑ-m.

¹¹Tɑcɑɑ, hʋlʋ-m mpɑɑʋ ŋku n cɑɑ mɑ́ təŋ tɔ. Mpi tɔ, mɑ kolontunɑɑ yookinɑ-m. Tiiki-m kʋsiɣisuɣu tɑɑ.

¹²Tɑɑ yele nɑ mɑ kolontunɑɑ lɑnɑ-m ɩsənɑ pɑ cɑɑkɩ tɔ. Mpi tɔ, pɔpɔtʋ ɑseetɑ nyə́mɑ mpɛ, pɑ nyɑɑsəɣɩ-m kɛ́.

¹³Ye mɑ tɑɑ wɛɛnɑ nɑɑni kɛ́ Tɑcɑɑ kʋpɑntʋ tɔɔ kɛ́ ɑtɛ cənɛ, ɩsənɑɣɑ mɑɑ lɑpɑ?

¹⁴Tɑŋ Tɑcɑɑ, kɑɑsɩ nyɑ́ tɩ nɑ ń tɔɣɔ ɑpɑlʋtʋ. Tɑŋ Tɑcɑɑ.