Proverbios 29

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

¹Dule, nuedgi-ega-ibmar-sogleged amba itossulile, wiledaklesuli, sabsur ukiagwale, sarsolegoed.

²Dule-innikidamalad nasgudele, neggwebur yeer itodaed. Dule-isganamar negsealile, neggwebur bukib binsaddaed.

³Dule, binsaed-nueganbina itogerbale, weligwar e-bab-saed. Dule, gambanuchu-samaladgi mani-miele, bela na mani-nikadi obeloged.

⁴Rey, igar-innikigwadba-negseedi, yar-nue-innikii sedaed. Ar rey, unnila neggweburgi mani-gaedginbi binsaerdi, neggwebur-wioddaed.

⁵Dule, e-aiga yamo-nueganbi-sunmakedi, e-ai-yardakega sunmakdaed.

⁶Dule-ibmar-isgana-imakedi, dukin e-isguedse yamoleged. Dule-innikiidaeddi, weligwaledba namakdaed.

⁷Dule-nueddaedi, dule-wilemalad-bendakdidaed. Dule-ibmar-isgana-imakeddi, dule-wilemaladgi binsadasulid.

⁸Aimargi-gadi-dodomaladi, neggwebur-oimaker saed. Dule-binsaed-ibegandi, bogidik neg-imaked.

⁹Dule-binsaed-ibedi, dule-binsaedsulidbo abin-abin-imakele, amba ebo-urwodibe, ebo alledibe, gwen igar nudakosurmalad.

¹⁰Dule-gindakmaladi, dule-nuegan-sae dakdamalad, dule-nuegan-oburgwebidamalad.

¹¹Dule-binsaedsulidi uludele, bar galedasulid. Dule-binsaed-ibeddi, nabir san-bargaed wisid.

¹²Dummadga-negdakmaid gakansaedba-ebipiledele, bela ega dummaganga-arbamaladi ibmar-isgana-imakedga guoed.

¹³Dule-wilegedi, mesagwar-dule-imakedbogwa emarbimalad. Bab-Jehová ebobela magar-atake imaksad.

¹⁴Rey, igar-innikigwadba dule-wilemaladga igar nabogele, e-yar-seedi, degisadeguoed.

¹⁵Sarsolegedi, nuedgi-sabsur-ibmar-sogedi, binsaed-nikaa dule-imaked. Mimmi-uayasulidaeddi, e-nan-bingedar imaked.

¹⁶Ibmar-isgana-imakmalad bukidarale, isgued bukidardaed. Dule-nueddamaladdi, dule-isganamar-bergued dakoed.

¹⁷Be-mimmi be unaele, bonisuli-gudii be-imakoed, weligwaled bega ukoed.

¹⁸Bab-Dummad-gayaburba barsoglesulile, neggwebur yogasaar nanaddaed. Dule Igar-Maid-sogedba nanadiile, egi ise-nued binsaleged.

¹⁹Mai, uayasuli-gualile, gayaginbi-ega-ibmar-soged unnisurdaed. Nabir ibsaegala, wis bibyoleged abeledabalid.

²⁰Dule nue-binsasulidgi-sunmakedi, nue be dake. Ar dule-binsaedsulid-sunmaked-bursunna, bur bule yogasaar sunmakdaed.

²¹Dule, na e-mai, bipigwad-akar unadii nanassulile, sorba, bukib-binsaed-dummad ega ukoed.

²²Dule-urwegala, urwed onogerbadaed. Dule-yaisur-urwedi, yeer-isguddaed.

²³Dule-san-dummarbadaedi, nug-bipii guoed. Dule-san-bipi-imakeddi, nug-dummarbaa guoed.

²⁴Dule, ibmar-atursaed-duleba-akaedi, dukin na san-wioged. Dule-ibmar-atursaed-galenonikile, amba dule-eba-akadidse ise-egisar-gunanaidibe geg barsoged.

²⁵Ar be dulemar-dobee-itogele, dukin be yamolegoed. Be Bab-Jehováʼgi-bensulile, bonigangi be ollorgudoed.

²⁶Dule-bukidar, dummadga-negdakmaid ega-ibmar-imakegala amidamalad. Unnila Bab-Jehováʼbi dulemarga igar-nabomaid.

²⁷Dule-innikimaladi, dule-ibmar-isgana-imakmalad isdar dakdaed. Dule-ibmar-isgana-imakmaladi, dule-innikimalad isdar dakdamogad.