Proverbio 8:29-35

²⁹Wadaak idi inbilina di gedeng di baybay ta say tongpalen din danom ya idi insaad na din lanad di daga.

³⁰Tinatakdok si Diyos ya binadangak ay nanplano ya nanparsua. Naragsakan sisya en sak-en sin inag-agew yan naragsakanak abe ay naitatakdo en sisya.

³¹Peteg abe di ragsak ko begew sin daga ay pinarsua na ya sin ipogaw.

³²“Dengngen yo ay an-ak ko. Nagasat din manongpal sin pamagbagak.

³³Esten yo ay dengngen din itdok ta lomaing kayo. Adi kayo baybay-an.

³⁴Nagasat din omali si inag-agew sin beey ko ay mandenge sin pamagbagak.

³⁵Din manteng en sak-en et mawadaan si biyag ya malaydan si Diyos en sisya.