Proverbio 5:2-7

²ta kanayon ay naannad ka ya madnge sin kalim ay nanemneman ka.

³Tan din kalin di makikamkamalala ay babai et mam-is ay kaman anig ya nalamlamoyot mo lana,

⁴ngem sin odi na, maiarig din babai ay sana si manpait ay kedet ya matadem ay kampilan ay nanbinas-il di tadem na.

⁵Din panturongan di siki na et pese, tan din pandanana et manturong sin kad-an di natey.

⁶Adi na on-onodan din danan ay manturong si biyag. Nasangaw sisya ay manlikeliked sin nakillokillo ay danan, ngem adi na ammo.

⁷Isonga ed wani, dengngem din ibagak yan adi kan liwliw-an.