Proverbio 24:16-33

¹⁶Tan olay mo mamin pito ay maisokba din nalinteg, bomangon met laeng. Ngem mo din managbasol di maisokba, adi makabangon.

¹⁷Adi ka koman manragsak ay mangila sin kaisokbaan ya katokangan di kaibaw mo.

¹⁸Mo say iyat mo di, adi malaydan si Diyos et makaan din bonget na en daida.

¹⁹Baken koman magolo di nemnem mo begew sin mangam-amag si lawa ya adi kan apalan daida.

²⁰Tan magay mayat ay pantongpalan da et kaman dan lampa ay mad-ep.

²¹Anak ko, patgem ya egyatam si Diyos ya siya abe sin ari. Adi kan maitapi sin komontra en daida.

²²Tan magay makaammo sin bigla ay idawat da ay dosa.

²³Nay da di odom ay pamagbagan di masirib. Baken mayat mo waday pabpaboran sin pangokoman.

²⁴Din mangikeddeng ay magay basol di nakabasol et baosan ya kaliliget di kaipoipogaw isnan lobong.

²⁵Ngem din howis ay manosa si nakabasol et somiged di biyag da ya mabindisyonan da.

²⁶Din ipogaw ay kosto ya naimposoan di songbat na et ipaila na di napodno ay panakigayyem.

²⁷Isaganam din payew mo ya manmola ka omona asi kan amagen di beey mo.

²⁸Adi kan pabasolen di ib-am mo magay kosto ay gapo na, adi ka aben palawlawaen.

²⁹Adi ka aben kanan en ibaes mo din inamag na met laeng en sik-a.

³⁰Sin namingsan, nalabasak sin payew ya inobasan di nasadot ay ipogaw ay magay nemnem na.

³¹Enggay nabeas ya nagodogod abe din batog ay alad na.

³²Idi inilak di, waday inadal ko.

³³Mo kanam en maseyep kas at-atik ono man-illeng ka anggoy,