Proverbio 1:2-10

²Makatolong dana en dakayo ta say maitdoan ya mabagbagaan kayo, manbalin kayo ay masirib ya mailasin yo di nabanol ay kali.

³Maitdoan kayo abe ay manbiyag ay nanemneman ya naannad ta say nalinteg ya kosto di iyat yo ya magay idomdoma yo.

⁴Da nan pamagbaga et palaingen da abe din magay ammo na ya din anan-ak ta say kosto di iyat da ay mannemnem.

⁵Din nalaing et matapian din ammo da yan din makaawat et maidalan da

⁶ay mangawat sin pamagbaga, apat, pangarig ya bonbontiyan di nankalalaing.

⁷Din egyat ya panangipateg di ipogaw en Diyos, say poon di panakaammo. Din naong-ong anggoy di manglasoy si sirib ya adi aben kabagbagaan.

⁸Sik-a ay anak ko, tongpalem din pamagbagan da amam en inam,

⁹tan pasigedena din ogalim ay kaman din iyat di mapteng ay bedbed ya keke ay mangipapteng sin kailaam.

¹⁰Adi ka manpasolisog sin managbasol ay ipogaw