Proverbio 15:21-24

²¹Maragsakan din magay nemnem na sin magay silbi na ay inoong-ong, ngem din masirib yan say amagena din kosto.

²²Magay pantongpalan di plano mo magay kosto ay pamagbaga, ngem matongpal da mo ad-adoy mamagbaga.

²³Palalo ay omiparagsak din kosto ay kali sin kosto ay timpo.

²⁴Say pandanan di masirib din danan ay manturong si biyag ay baken din danan ay manturong si pese.