Proverbio 13:15-23

¹⁵Madayaw di masirib, ngem din baken matalek et manturong da si kadadaelan.

¹⁶Din naannad ay ipogaw et ibasar na din amagena sin laing na, ngem din naong-ong et ipaila na sin amagena din kinaong-ong na.

¹⁷Din laway nemnem na ay baa et pawadaena di problima, ngem din matalek et panragsakan di idawat na.

¹⁸Din manigaan si pamagbaga et bomiteg ya maibabain, ngem din mangawat si pamagbaga et madayaw.

¹⁹Peteg di ragsak mo matongpal din layden ay gon-oden, ngem din naong-ong et sigaan da ay balbaliwan din lawa ay ogali da.

²⁰Din makikadwa si masirib et lomaing abe, ngem din makikoyog si naong-ong et ligat di lak-amena.

²¹Manproblima di managbasol, ngem din gon-gonan di nalinteg et somiged di biyag na.

²²Din nalinteg yan waday ipatawid nan to sin aap-o na, ngem din kinabaknang di managbasol yan emey sin nalinteg.

²³Olay mo ad-adoy maapit sin dagan di nabiteg, ngem mabalin ay malitaw gapo sin kinasikap di odom ay ipogaw.