Pend-nesihetler 28:11-18

¹¹Bay derweqe özini dana sanar; Biraq yorutulghan miskin uni haman körüp yéter.

¹²Heqqaniylar ghalibiyetlik bolsa, Jahanni tentene qaplar; Biraq yamanlar mertiwige chiqsa, xalayiq özlirini qachurar.

¹³Öz gunahlirini yoshurghan kishi ronaq tapmas; Biraq ularni tonup iqrar qilip, ulardin waz kechken kishi rehim-shepqetke érisher.

¹⁴Perwerdigardin herdaim qorqup yürgen kishi shunche bextliktur! Biraq könglini tash qilghan balayiapetke qalar.

¹⁵Hörkirep turghan shir, Yaki owni izdep kéziwatqan éyiq qandaq bolsa, Yoqsul puqralarning üstidiki rezil hakimmu shundaqtur.

¹⁶Yorutulmighan emir haman zor bir zalim bolup chiqar, Biraq haram bayliqlargha nepretlense, textide uzun olturar.

¹⁷Qan tökken kishi qerz bilen hanggha qarap yügürer; Uni héchkim tosmisun!

¹⁸Semimiy, diyanetlik yolda mangghan qutular; Ikki yolda mangghan saxta kishi ularning biride haman yiqilip chüsher.