Pend-nesihetler 18:6-21

⁶Exmeqning lewliri uni jédelge bashlar; Uning aghzi «Méni dumbala» dep teklip qilar.

⁷Exmeqning aghzi öz béshigha halakettur; Uning lewliri öz jénigha qapqandur.

⁸Gheywetxorning sözliri herxil nazunémetlerdek, Kishining qelbige chongqur singdürüler.  

⁹Ishida hurun bolghan kishimu, Buzghunchi bilen ülpetdash bolidu.

¹⁰Perwerdigarning nami mezmut munardur; Heqqaniylar uning ichige yügürüp kirip yuqirida aman bolar.

¹¹Bay adem mal-dunyasini «mustehkem shehirim» dep biler; Neziride özini saqlaydighan égiz sépildek turar.

¹²Bitchit bolushtin awwal, köngülge tekebburluq kéler; Awwal kemterlik bolsa, andin shöhret kéler.

¹³Sözni anglimay turup, aldirap jawab bergen, Exmeqliqini körsitip özini xijalette qaldurur.

¹⁴Tendiki aghriq azabigha ademning öz rohi berdashliq bergüzer; Biraq rohi sun'ghan bolsa uni kim kötürer?

¹⁵Yorutulghanning qelbi bilimge érishmekte, Aqilanining qulaqliri bilimni izdimekte.

¹⁶Sowghat öz igisige ishikni daghdam échip bérer; Uni chong erbablar aldigha yetküzer.

¹⁷Dewa qilghanda, awwal sözligüchining sözliri orunluq körüner; Lékin qarshi terep soal qoyup ishni sürüshtürer.

¹⁸Chek tashlash jédellerni tügiter; Ghojilarning arisidiki ishnimu hel qilar.

¹⁹Renjigen qérindashning könglini élish mustehkem sheherni élishtinmu tes; Jédel-majira qorghanning taqaq-baldaqlirigha oxshashtur.

²⁰Adem durus sözligenlikidin qorsiqi toq bolar; Öz könglidin chiqqan sözliridin mol hosul alar.  

²¹Hayat-mamat tilning ilkididur; Kimki uning tesirini etiwarlisa uning méwisidin yer.