Pend-nesihetler 12:15-24

¹⁵Exmeq öz yolini toghra dep biler; Emma dewetke qulaq salghan kishi aqilanidur.

¹⁶Exmeqning achchiqi kelse, tézla biliner; Zérek kishi haqaretke sewr qilar, setchilikni ashkarilimas.

¹⁷Heqiqetni éytqan kishidin adalet biliner; Yalghan guwahliq qilghuchidin aldamchiliq biliner.

¹⁸Bezlilerning yéniklik bilen éytqan gépi ademge sanjilghan qilichqa oxshar; Biraq aqilanining tili derdke dermandur.

¹⁹Rastchil menggü turghuzulidu; Lewzi yalghan bolsa birdemliktur.

²⁰Yamanliqning koyida yürgüchining könglide hiyle saqlan'ghandur; Amanliqni dewet qilghuchilar xushalliqqa chömer.

²¹Heqqaniy ademning béshigha héch külpet chüshmes; Qebihler balayiqazagha chömüler.

²²Yalghan sözleydighanning lewliri Perwerdigargha yirginchliktur; Lékin lewzide turghanlargha U apirin éytar.

²³Pemlik adem bilimini yoshurar; Biraq exmeq nadanliqini jakarlar.

²⁴Tirishchan qol hoquq tutar; Hurun qol alwan'gha tutular.