MƐBORIMƐ WÉÌTÌ 5:15-19

¹⁵Mɛborimɛ tɛ̃mɛ̀ mmɛ, mɛ̀ɛ̀ yóù mmɛdiɛ̀. Ntɛ we kɛ ìtɛ́ otetìrì ò do kɔ̀tɛní mɛ̀ɛ̀ botí. Ò nɛ́ cɔ̃ntɛ́ bɑ o tɔ̃mmú miɛkɛ? Dɛ̀ í cɑ̃́ɑ̃́nnɛ̀ ɑ bo ndɔ́mɛ̀ kɛ́kpɑɑkɛ kuyɑɑkù.

¹⁶Ntɛ we kɛ ɑ́ɑ̀rì o fòmmu mumɔu kɛ bo yɛdɑbùò mmiɛkɛ nɛ̀ mɛyɛǹcɑɑ̀rìmɛ̀, kòo miɛkɛ pɛ́íkú.

¹⁷Ntɛ n yɑ̀ kòo nìtì kó diwɛ̀ì tu dì: Ò bo dimɛ̀ kɛ́yɑ̃̀ kɛ̀ dɛ̀ nhò nɑɑtinɛ̀ o tɔ̃mmú ò pĩ̀ḿmù kɛtenkɛ̀ ĩ́nkɛ̀. Kòo dɔɔ̀nɛ̀ yɛwe Kuyie nhò duɔ́ nyɛ̀, dɛɛ̀ tu onìtì kó mucɔ̃́ntimu.

¹⁸Kuyie nduɔ́ nwè tikpɑ̀tì, kòò mɔ̀kɛ o kpɛrɛ kɛ yɛ̃́ ò bo yĩ́mɛ̀ kɛ́ dɛ̀ di, kɛ yɑ̀ o tɔ̃mmú kó diwɛ̀ì, Kuyie nkuù ò pɑ̃.

¹⁹Dɛ yiɛ̀ nhɔ̃ɔ̃ í nyɛ̃́ kɛ dò nho fòmmu kó yɛwe kũpúrì, kɛ yɛ̃́ Kuyie nhò duɔ́mmɛ̀ diwɛ̀ì mɛdiɛ̀.